শিশুক স্মাৰ্ট কৰি তোলা নাই মোবাইল ফোনৰ আসক্তিয়ে। পোহৰলৈ আহিছে এক ভয়ংকৰ তথ্য। বৰ্তমান সময়ৰ সৰু ল’ৰা-ছোৱালীয়ে ফোন চাইহে খায়। সেয়ে মাক-দেউতাকে প্ৰায়ে ফোন দেখুৱাই খুৱাই। তদুপৰি শিশুসকলে প্ৰায়ে গোটেই দিনটো ফোনত ভিডিঅ’ চাই ভাল পায়। যদি আপোনাৰ দুবছৰৰ তলৰ শিশুৱে অনবৰতে ফোন চাই থাকে তেন্তে তেওঁলোকৰ অটিজিমৰ দৰে গুৰুতৰ ৰোগৰ সম্ভাৱনা বৃদ্ধি পাব পাৰে। এইমছৰ এক অধ্যয়ন অনুসৰি জন্মৰ পৰা ১৮ মাহ বয়সৰ ভিতৰত পিতৃ-মাতৃ মোবাইল ফোনত আসক্ত হৈ থকা শিশুৰ অটিজিম হোৱাৰ সম্ভাৱনা বেছি।
অত্যধিক স্ক্রীণ টাইমৰ ফলত শিশুৰ অটিজমৰ লক্ষণ বৃদ্ধিৰ আশংকা। দিল্লী AIIMSৰ শেহতীয়া অধ্যয়নত পোহৰলৈ আহিছে এই ভয়ংকৰ তথ্য। শিশুৰ মানসিক বিকাশত বাধা দিব পাৰে ডিজিটেল স্ক্ৰীণৰ আসক্তিয়ে। ২ বছৰতকৈ কম বয়সৰ শিশুৰ বাবে ই অধিক ক্ষতিকাৰক বুলি প্রকাশ।
অটিজিমৰ ফলত প্ৰথম কেইবছৰমান শিশু বাকৰুদ্ধ হৈ থাকিব পাৰে। যদি কোনো শিশুৱে দুবছৰৰ পৰা তিনিবছৰৰ ভিতৰত কোনো কথা ক’ব বা বুজিব নোৱাৰে তেন্তে এইবোৰ অটিজিমৰ লক্ষণ। অৰ্থাৎ আপোনাৰ সন্তানৰ অটিজিম হ’ব পাৰে। ভাৰতত অটিজিম দ্ৰুতগতিত বৃদ্ধি পাইছে। বৰ্ধিত অটিজিমৰ প্ৰাদুৰ্ভাৱৰ পৰিপ্ৰেক্ষিতত এইমছ হাস্পতালে গৱেষণা কৰিছিল।
জন্মৰ পৰা ১৮ মাহ বয়সৰ ভিতৰৰ শিশুক মোবাইল ফোন নিদিয়াৰ পৰামৰ্শ চিকিৎসকে। ১৮ মাহৰ পৰা ৬ বছৰৰ ভিতৰৰ শিশুক ১ ঘণ্টাৰ বাবেহে মোবাইল ফোন দিব লাগে। ইয়াতকৈ অধিক ক্ষতিকাৰক হ’ব পাৰে।
