কাইলৈ ভোটগণনা, অধীৰ আগ্ৰহেৰে অপেক্ষা ৰাজ্যৰ ১২৬টা সমষ্টিৰ প্ৰাৰ্থীৰ। ৩৫ খন জিলাৰ ৪০ কেন্দ্রত ভোটগণনাৰ প্ৰস্তুতি কৰা হৈছে। পুৱা ৮ বজাৰ পৰা আৰম্ভ হ’ব ভোটগণনা। ভোটগণনা কেন্দ্রত থাকিব তিনিতৰপীয়া নিৰাপত্তা বেষ্টনী। ভোটগণনা কেন্দ্ৰৰ ১০০ মিটাৰ ব্যাসার্ধত ১৬৩ ধাৰা জাৰি কৰা হৈছে।
প্ৰতিটো সমষ্টিৰ বিপৰীতে থাকিব একোজনকৈ পৰ্যৱেক্ষক। বহিঃৰাজ্যৰ IAS বিষয়াক দিয়া হ’ব পৰ্যৱেক্ষকৰ দায়িত্ব। ভোটগণনাৰ বাবে নিয়োগ হ’ব ৫,৯৮১ গণনাকাৰী বিষয়া, ২,৩৪৮ সূক্ষ্ম পর্যবেক্ষক থাকিব। ভোটগণনাৰ সময়ত প্রতিখন গণনা টেবুলত থাকিব এজনকৈ সূক্ষ্ম পর্যবেক্ষক।
মাজত মাত্ৰ কেইটামান ঘণ্টা বাকী ভোটগণনালৈ। কাইলৈ স্পষ্ট হ’ব EVMত বন্দী হৈ আছে কাৰ ভাগ্য। ভোটগণনাৰ বাবে সাজু হৈছে প্ৰশাসন। ফলাফলৰ বাবে উৎকণ্ঠাৰে অপেক্ষা প্ৰাৰ্থী-ভোটাৰৰ। ১২৬ সমষ্টিৰ পৰা কোন আহিব দিছপুৰলৈ?
