মূল্যবৃদ্ধি ৰোধৰ দাবীত আছুৰ উদ্যোগত ৰাজ্যজুৰি প্ৰতিবাদ।
আমিনগাঁৱতো সদৌ কামৰূপ জিলা ছাত্ৰ সন্থাৰ উদ্যোগত প্ৰতিবাদী কাৰ্যসূচী।
শেহতীয়াকৈ ৰাজ্যত বৃদ্ধি পোৱা মূল্যবৃদ্ধিৰ প্ৰতি উদ্বিগ্নতা প্ৰকাশ কৰি প্ৰতিবাদ কামৰূপ জিলা ছাত্ৰ সন্থাৰ।
ইন্ধন,অত্যাৱশ্যকীয় সামগ্ৰী আৰু জীৱনদায়িনী ঔষধৰ মূল্য বৃদ্ধিৰ বিৰুদ্ধে জিলা আয়ুক্ত কাৰ্যালয়ত প্ৰতিবাদ কৰে আছুৰ সদস্য সকলে।
মুখ্যমন্ত্ৰী হায় হায়, বিজেপি চৰকাৰ হায় হায়, কেন্দ্ৰীয় চৰকাৰ হায় হায়, অত্যাৱশ্যকীয় সামগ্ৰীৰ মূল্য বৃদ্ধি ৰোধ কৰক, জীৱনদাঢয়িনী ঔষধৰ মূল্য বৃদ্ধি হ্ৰাস কৰক আদি শ্লোগান দি উত্তাল কৰে কামৰূপ জিলা আয়ুক্ত কাৰ্যালয়ৰ প্ৰবেশদ্বাৰ।
জিলা আয়ুক্ত কাৰ্যালয়ৰ উপপথত প্ৰতিবাদী সমদল কৰি ঘেৰাও কৰে আয়ুক্ত কাৰ্যালয়ৰ মুখ্য প্ৰবেশ দ্বাৰ।
প্ৰতিবাদী কাৰ্যসূচীত উপস্থিত থাকে সদৌ অসম ছাত্ৰ সন্থাৰ কাৰ্যালয় সম্পাদক ভৱজ্যোতি ডেকাৰ লগতে শতাধিক আছু কৰ্মীয়ে।
