টিহুৰ দহকাউনীয়াত “কাংথিলাংছৰ উচুপনি” নামৰ কবিতা পুথি উন্মোচন আৰু “বসন্তৰ বিয়লি কবিতাৰ আলাপ” অনুষ্ঠান।
নলবাৰী জিলা সাহিত্য সভাৰ উদ্যোগত আৰু টিহু সমষ্টিৰ পশ্চিম দহকাউনীয়া ৰঙালী বিহু সন্মিলনীৰ সহযোগত শনিবাৰে অনুষ্ঠিত হয় এক বিশেষ সাহিত্যিক অনুষ্ঠান।
অনুষ্ঠানত বিশিষ্ট কবি তথা সাংবাদিক বাক্সা প্ৰেছ ক্লাৱৰ সভাপতি ভাৰত ৰাজৰ দ্বিতীয়খন কবিতা পুথি “কাংথিলাংছৰ উচুপনি” উন্মোচনৰ লগতে “বসন্তৰ বিয়লি কবিতাৰ আলাপ” শীৰ্ষক সাহিত্যিক আলোচনা অনুষ্ঠিত কৰা হয়।
পশ্চিম দহকাটনীয়াৰ শ্ৰীশ্ৰী বিষ্ণু নামঘৰ প্ৰাংগণত অনুষ্ঠিত হোৱা এই অনুষ্ঠানত বহু বিশিষ্ট কবি, সাহিত্যিক আৰু অতিথিৰ উপস্থিত থাকে। অনুষ্ঠানৰ মুখ্য উন্মোচক হিচাপে অংশগ্ৰহণ কৰে বিশিষ্ট কবি শ্ৰীকমল কুমাৰ ডেকাই। অনুষ্ঠানটো সভাপতিত্ব কৰে ড° সবৰ তালুকদাৰে।
বিশেষ অতিথি হিচাপে উপস্থিত থাকে ড° বিপিন চন্দ্ৰ কলিতা।অনুষ্ঠানত আমন্ত্ৰিত কবিসকলৰ দ্বাৰা কবিতা পাঠো অনুষ্ঠিত হয়। নিশা এক সাংস্কৃতিক অনুষ্ঠান অনুস্থিত হয়।
