প্ৰধানমন্ত্ৰী নৰেন্দ্ৰ মোদীৰ নেতৃত্বত সম্পূৰ্ণ বিশ্বাস, বিকাশ, জনকল্যাণৰ ১২ বছৰ

৪,৩৯৯ দিনৰ ঐতিহাসিক যাত্ৰা৷ স্বাধীন ভাৰতৰ ইতিহাসত এক নতুন অধ্যায় ৰচনা কৰিলে প্ৰধানমন্ত্ৰী নৰেন্দ্ৰ মোদীয়ে৷ ভাৰতৰ গণতান্ত্ৰিক ইতিহাসত আজি এক ঐতিহাসিক মুহূৰ্তৰ সাক্ষী হ’ল দেশবাসী৷ প্ৰধানমন্ত্ৰী নৰেন্দ্ৰ মোদীয়ে নিৰ্বাচিত প্ৰধানমন্ত্ৰী হিচাপে চ্ছ্ৰ,৩৯৯ দিন সম্পূৰ্ণ কৰি স্বাধীন ভাৰতৰ প্ৰথম প্ৰধানমন্ত্ৰী পণ্ডিত জৱাহৰলাল নেহৰুৰ চ্ছ্ৰ,৩৯৮ দিনৰ অভিলেখ অতিক্ৰম কৰিলে৷ ইয়াৰ জৰিয়তে তেওঁ স্বাধীন ভাৰতৰ ইতিহাসত সৰ্বাধিক সময় ধৰি কাৰ্যনিৰ্বাহ কৰা নিৰ্বাচিত প্ৰধানমন্ত্ৰী হিচাপে নতুন অভিলেখ স্থাপন কৰিলে৷ দেশৰ নিৰ্বাচিত প্ৰধানমন্ত্ৰীৰূপে একেৰাহে ১২ বছৰ সফলতাৰে কাৰ্যকাল সম্পূৰ্ণ কৰাৰ বাবে প্ৰধানমন্ত্ৰী নৰেন্দ্ৰ মোদীলৈ বিজেপি অসম প্ৰদেশৰ পৰিয়ালৰ তৰফৰ পৰা সভাপতি দিলীপ শইকীয়াই হৃদয়পূৰ্বক অভিনন্দন জ্ঞাপন কৰিছে৷ আজি বিজেপিৰ ৰাজ্যিক কাৰ্যালয় অটল বিহাৰী বাজপেয়ী ভৱনৰ পৰা প্ৰেৰণ কৰা এক বিবৃতিত মুখপাত্ৰ মিতা নাথ বৰাই কয় যে, এই অভূতপূৰ্ব সফলতা কেৱল ব্যক্তিগত সফলতা নহয়, ই হৈছে ১৪০ কোটি ভাৰতীয়ৰ আস্থা, বিশ্বাস আৰু উন্নয়নমুখী ৰাজনীতিক সমৰ্থনৰ প্ৰতিফলন৷

২০১৪ চনৰ পৰা আৰম্ভ হোৱা এই যাত্ৰাই ভাৰতক বিশ্ব মঞ্চত এক আত্মবিশ্বাসী, শক্তিশালী আৰু উদীয়মান শক্তি হিচাপে প্ৰতিষ্ঠা কৰিছে৷ প্ৰধানমন্ত্ৰী মোদীৰ নেতৃত্বত দৰিদ্ৰ কল্যাণক শাসনৰ কেন্দ্ৰবিন্দু হিচাপে গ্ৰহণ কৰা হৈছে৷ প্ৰধানমন্ত্ৰী গৰিব কল্যাণ অন্ন যোজনাৰ অধীনত প্ৰতি মাহে ৮১ কোটিতকৈ অধিক লোকক বিনামূলীয়া খাদ্য শস্য যোগান ধৰা হৈছে৷ চ্ছ্ৰ কোটিতকৈ অধিক পকী গৃহ নিৰ্মাণৰ জৰিয়তে পিএম আৱাস যোজনাই লাখ লাখ পৰিয়ালৰ সপোন পূৰণ কৰিছে৷ ১০.প্ত কোটিতকৈ অধিক উজ্জ্বলা গেছসংযোগে মহিলা আৰু পৰিয়ালসমূহক ধোঁৱামুক্ত জীৱন দিছে৷ ১২ কোটিতকৈ অধিক শৌচালয় নিৰ্মাণৰ জৰিয়তে ভাৰতক মুক্ত শৌচ ব্যৱস্থাৰ পৰা মুক্ত কৰা হৈছে৷ মোদী চৰকাৰৰ বিগত ১২ বছৰত মহিলাসকলৰ সামাজিক, আৰ্থিক আৰু ৰাজনৈতিক ক্ষমতায়নৰ ক্ষেত্ৰত এক নতুন অধ্যায় সূচিত হৈছে৷ ৩২ কোটিতকৈ অধিক জন ধন বেংক একাউণ্ট মহিলাৰ নামত মুকলি কৰা হৈছে৷ সশস্ত্ৰ বাহিনীত মহিলাৰ স্থায়ী নিয়োগ আৰু নেতৃত্বৰ সুযোগ নিশ্চিত কৰা হৈছে৷ ৩ কোটিতকৈ অধিক ‘লাখপতি বাইদেউ’ গঢ়ি তোলাৰ লক্ষ্যৰে গ্ৰাম্য অৰ্থনীতি শক্তিশালী কৰা হৈছে৷ ৯১ লাখতকৈ অধিক আত্মসহায়ক গোটৰ জৰিয়তে ১০ কোটিতকৈ অধিক গ্ৰাম্য মহিলা আৰ্থিকভাৱে স্বাৱলম্বী হৈছে৷ উন্নত আন্তঃগাঁথনিৰে গঢ়ি উঠিছে নতুন ভাৰত৷ মোদীৰ শাসনত আন্তঃগাঁথনি উন্নয়নক ৰাষ্ট্ৰ নিৰ্মাণৰ মূল ভিত্তি হিচাপে ধৰা হৈছে৷ দেশৰ জ্জ্বখন চহৰত ৰ,১০০ কিলোমিটাৰতকৈ অধিক মেট্ৰ’ নেটৱৰ্ক গঢ়ি উঠিছে৷ অটল সেতু, সুদৰ্শন সেতু, চেনাব ৰে’ল সেতু, বগীবিল সেতু আৰু পাম্বান সাগৰীয় সেতুৰ দৰে বৃহৎ প্ৰকল্পসমূহে আধুনিক ভাৰতৰ সক্ষমতাৰ প্ৰতীক হৈ উঠিছে৷ ২০১৪ চনত ৭৪টা বিমানবন্দৰ থকা দেশত আজি বিমানবন্দৰৰ সংখ্যা ১৬৪ লৈ বৃদ্ধি পাইছে, যাৰ ফলত আঞ্চলিক সংযোগ আৰু অৰ্থনৈতিক বিকাশে নতুন গতি লাভ কৰিছে৷ যুৱ শক্তিক নতুন ডেউকা প্ৰদান কৰা হৈছে৷ যুৱ সমাজক আত্মনিৰ্ভৰ আৰু দক্ষ কৰি তুলিবলৈ প্ৰায় ২ কোটি যুৱক-যুৱতীক দক্ষতা বিকাশৰ প্ৰশিক্ষণ প্ৰদান কৰা হৈছে৷ মুদ্ৰা যোজনাৰ অধীনত ৪০ লাখ কোটিতকৈ অধিক টকাৰ ঋণ বিতৰণ কৰা হৈছে৷

দেশত ২.২ লাখতকৈ অধিক ষ্টাৰ্টআপ গঢ়ি উঠিছে৷ ১০,০০০তকৈ অধিক অটল টিংকাৰিং লেবৰ জৰিয়তে উদ্ভাৱন আৰু বৈজ্ঞানিক চিন্তাধাৰাক উৎসাহিত কৰা হৈছে৷ স্বাস্থ্য সেৱাত বৈপ্লৱিক পৰিৱৰ্তনৰ সূচনা কৰা হৈছে৷ আয়ুষ্মান ভাৰতৰ জৰিয়তে ৬০ কোটিতকৈ অধিক লোকক স্বাস্থ্য সুৰক্ষাৰ আউটিলৈ অনা হৈছে৷ ৭০ বছৰৰ ওপৰৰ জ্যেষ্ঠ নাগৰিকসকলৰ বাবে প্ত লাখ টকা পৰ্যন্ত বিনামূলীয়া চিকিৎসাৰ সুবিধা নিশ্চিত কৰা হৈছে৷ তদুপৰি দেশজুৰি ১৯,০০০তকৈ অধিক জন ঔষধি কেন্দ্ৰৰ জৰিয়তে সাধাৰণ মানুহে ৯০ শতাংশ পৰ্যন্ত কম মূল্যত ঔষধ লাভ কৰিছে৷ শক্তিশালী ভাৰত, সুৰক্ষিত ভাৰতৰ মন্ত্ৰৰে প্ৰধানমন্ত্ৰী মোদীৰ নেতৃত্বত ভাৰতৰ প্ৰতিৰক্ষা খণ্ডত নতুন শিখৰ স্পৰ্শ কৰিছে৷ কংগ্ৰেছৰ শাসনত আমদানি নিৰ্ভৰ দেশে প্ৰায় ৩৮,৪০০ কোটি টকাৰ অভিলেখসংখ্যক প্ৰতিৰক্ষা সামগ্ৰী ১৫ানি কৰিছে৷ সন্ত্ৰাসবাদ, বিচ্ছিন্নতাবাদ আৰু নক্সালবাদৰ বিৰুদ্ধে কঠোৰ অভিযানৰ ফলত দেশ এক নক্সালমুক্ত ভাৰতৰ দিশে আগবাঢ়িছে৷ ঔপনিৱেশিক মানসিকতাৰ পৰা মুক্তি দি ৰাজপথক ‘কৰ্তব্য পথ’লৈ ৰূপান্তৰ, নতুন সংসদ ভৱন আৰু ছত্ৰপতি শিৱাজীৰ মহান আদৰ্শৰে অনুপ্ৰাণিত ভাৰতীয় নৌসেনাৰ নতুন ধবজে আত্মগৌৰৱ আৰু সাংস্কৃতিক পুনৰুজ্জীৱনৰ প্ৰতীক হিচাপে আত্মপ্ৰকাশ কৰিছে৷

কৃষকৰ কল্যাণৰ নতুন মন্ত্ৰৰে ‘পিএম-কিষাণ’ যোজনাৰ অধীনত কৃষকসকলৰ একাউণ্টত চ্ছ্ৰ.৩ লাখ কোটিতকৈ অধিক টকা প্ৰত্যক্ষভাৱে জমা কৰা হৈছে৷ চ্ছ্ৰ কোটিতকৈ অধিক কৃষকে ২ লাখ কোটিতকৈ অধিক টকাৰ শস্য বীমা সুৰক্ষা লাভ কৰিছে৷ নূ্যনতম সমৰ্থন মূল্যৰ অধীনত চ্ছ লাখ কোটিতকৈ অধিক টকাৰ শস্য ক্ৰয় কৰা হৈছে৷ জ্জ্ব কোটিতকৈ অধিক কৃষকক কিষাণ ক্ৰেডিট কাৰ্ড প্ৰদান কৰা হৈছে৷ মধ্যবিত্তৰ আশা-আকাংক্ষাক ডেউকা প্ৰদান কৰি মোদী চৰকাৰে মধ্যবিত্ত পৰিয়ালৰ আৰ্থিক বোজা হ্ৰাস কৰাৰ বাবে কৰ ব্যৱস্থাত একাধিক সংস্কাৰ কৰিছে৷ ১২.৭৫ লাখ টকা পৰ্যন্ত বাৰ্ষিক আয় কৰমুক্ত কৰাৰ ব্যৱস্থাই কোটি কোটি পৰিয়ালক উপকৃত কৰিছে৷ উড়ান আঁচনিৰ অধীনত ৰ.৬ কোটিতকৈ অধিক যাত্ৰীয়ে সুলভ বিমান যাত্ৰাৰ সুবিধা লাভ কৰিছে৷ চিকিৎসা শিক্ষাৰ ক্ষেত্ৰত এমবিবিএছ আসনৰ সংখ্যা ১৫১ শতাংশ বৃদ্ধি পাই প্ৰায় ৰ.৩ লাখত উপনীত হৈছে৷ ঐতিহ্য আৰু বিকাশৰ সমন্বয়ৰে প্ৰধানমন্ত্ৰী মোদীৰ নেতৃত্বত ভাৰতৰ সাংস্কৃতিক পুনৰুজ্জীৱনৰ এক নতুন অধ্যায় সূচিত হৈছে৷

অযোধ্যাত ভগৱান শ্ৰীৰামৰ জন্মভূমিত বিশাল ৰাম মন্দিৰ নিৰ্মাণ, কাশী বিশ্বনাথ ধামৰ পুনৰ্নিৰ্মাণ, মহাকাল মহালোক আৰু কেদাৰনাথ ধামৰ উন্নয়নে ভাৰতীয় সভ্যতাৰ গৌৰৱ পুনঃপ্ৰতিষ্ঠা কৰিছে৷ বিকশিত ভাৰত ২০৪৭ ৰ দিশে ধাৱমান ভাৰতবৰ্ষৰ বাবে চ্ছ্ৰ,৩৯৯ দিনৰ এই যাত্ৰা কেৱল সময়ৰ পৰিমাপ নহয়, ই হৈছে সুশাসন, উন্নয়ন, আত্মবিশ্বাস আৰু ৰাষ্ট্ৰীয় পুনৰুত্থানৰ এক গৌৰৱময় কাহিনী৷ প্ৰধানমন্ত্ৰী নৰেন্দ্ৰ মোদীৰ নেতৃত্বত ভাৰত আজি বিশ্বৰ অন্যতম দ্ৰুত বিকাশশীল অৰ্থনীতি, এক উদীয়মান কূটনৈতিক শক্তি আৰু আত্মনিৰ্ভৰ ৰাষ্ট্ৰ হিচাপে আত্মপ্ৰকাশ কৰিছে৷ ‘সবকা সাথ, সবকা বিকাশ, সবকা বিশ্বাস, সবকা প্ৰচেষ্টা’ৰ মূলমন্ত্ৰৰে অনুপ্ৰাণিত এই যাত্ৰাই দেশক ‘বিকশিত ভাৰত ২০৪৭’ৰ লক্ষ্যৰ দিশে দৃঢ়তাৰে আগবঢ়াই লৈ গৈছে৷ চ্ছ্ৰ,৩৯৯ দিনৰ এই ঐতিহাসিক সফলতা ভাৰতৰ গণতান্ত্ৰিক শক্তি, জনআস্থা আৰু উন্নয়নমুখী নেতৃত্বৰ এক উজ্জ্বল নিদৰ্শন হিচাপে ইতিহাসত স্বৰ্ণাক্ষৰে লিপিবদ্ধ হৈ থাকিব৷ বিগত ১২ বছৰত অসমৰ শান্তি আৰু উন্নয়ন অভূতপূৰ্বভাৱে বৃদ্ধি পাইছে৷ উগ্ৰপন্থী ঘটনা ৭৬ শতাংশ হ্ৰাস পাইছে, মৃত্যুৰ সংখ্যা ৯০ শতাংশ আৰু নাগৰিক মৃত্যুৰ সংখ্যা ৯৭ শতাংশ হ্ৰাস পাইছে৷ বড়ো চুক্তি, কাৰ্বি চুক্তি আৰু আদিবাসী তথা অন্যান্য গোটসমূহৰ সৈতে শান্তি চুক্তিৰ জৰিয়তে, বহুকেইটা উগ্ৰপন্থী সংগঠনৰ প্ৰায় ১০,০০০ যুৱক-যুৱতীয়ে অস্ত্ৰ সম্বৰণ কৰিছে৷ অসম এতিয়া দ্ৰুতগতিত উন্নয়নশীল ৰাজ্যসমূহৰ ভিতৰত অন্যতম৷

জাগীৰোডত ছেমিকণ্ডাক্টৰ প্ৰকল্প, নামৰূপ ইউৰিয়া প্ৰকল্প, ২০,০০০ কিলোমিটাৰ পথ উন্নয়ন, কুৰুৱা-নাৰেংগী, কাজিৰঙা এলিভেটেড ক’ৰিডৰ, গহপুৰ-নুমলীগড় সংযোগী ব্ৰহ্মপুত্ৰৰ তলেৰে সুৰংগ পথে উন্নয়নৰ দিশত আৰু এখোজ আগবাঢ়িব৷ ২০১৬ চনৰ পৰা ২০২৬ চনলৈকে অসমত মেডিকেল কলেজৰ সংখ্যা ৬খনৰ পৰা ২৪খনলৈ বৃদ্ধি পাইছে৷ সাংস্কৃতিক ক্ষেত্ৰতো অসমে নতুন গতি লাভ কৰিছে৷ অসমীয়া ভাষাক ধ্ৰnপদী ভাষাৰ স্বীকৃতি দিয়াৰ লগতে চৰাইদেউ মৈদাম ইউনেক্সো বিশ্ব ঐতিহ্য স্থান হিচাপে স্বীকৃতি পাইছে৷ বিহু, ঝুমুৰ আৰু বাগৰুম্বা নৃত্যই বিশ্বত উজলি উঠিছে৷ প্ৰধানমন্ত্ৰী নৰেন্দ্ৰ মোদীৰ কাৰ্যকালৰ এই গৌৰৱোজ্জ্বল ১২ বছৰৰ উপলক্ষে বিজেপি অসম প্ৰদেশে সমগ্ৰ ৰাজ্যজুৰি গছপুলি ৰোপণ, স্বচ্ছতা অভিযান, প্ৰগতি পথ যাত্ৰা, যোগ শিবিৰ, জনকল্যাণ শিবিৰ আদি কাৰ্যসূচী গ্ৰহণ কৰিব৷ প্ৰায় ৩২,০০০ বুথ সমিতিয়ে বন্তি প্ৰজ্বলন কাৰ্যসূচীত অংশগ্ৰহণ কৰিব৷ গুৱাহাটীস্থিত কামাখ্যা মন্দিৰসহ ৰাজ্যৰ বিভিন্ন ধৰ্মীয় স্থানত এই কাৰ্যসূচী অনুষ্ঠিত হ’ব৷ কাইলৈ প্ৰধানমন্ত্ৰীগৰাকীৰ এই সেৱাৰ অভিলেখ, আৰু আগন্তুক দিনৰ বাবে আৰু অধিক কাৰ্য কৰিব পাৰে তাৰ বাবে আশিস বিচাৰি ৰাজ্যৰ কৰ্মদক্ষ মুখ্যমন্ত্ৰী হিমন্ত বিশ্ব শৰ্মাই দেশৰ ৰাজধানী নতুন দিল্লীত পূজা-অৰ্চনাত ভাগ ল’ব৷ ৰাজ্যিক বিজেপিৰ সভাপতি দিলীপ শইকীয়াই মা কামাখ্যাৰ শ্ৰীচৰণত পূজা অৰ্পণ কৰি তেওঁৰ সু-স্বাস্থ্যৰ লগতে দীৰ্ঘায়ু কামনা কৰাৰ লগতে মা কামাখ্যাই অধিক শক্তি প্ৰদান কৰি তেওঁক কৰ্মময় জীৱন সুদীৰ্ঘ হোৱাৰ কামনা কৰি মা কামাখ্যাৰ পৱিত্ৰ দেৱালয় প্ৰাংগণত অনুষ্ঠিত হ’ব লগা মহা আৰতি অনুষ্ঠানত অংশগ্ৰহণ কৰিব৷

Author: দৈনন্দিন বাৰ্তা