এখন পুৰণি ঘৰত ৰং, তেল, চূন সানি কেবা লক্ষাধিক টকাৰ লুণ্ঠন চলোৱাৰ এক ভয়াৱহ কেলেংকাৰী পোহৰলৈ আহিছে ৷ এই ঘটনা সংঘটিত হৈছে হোজাই সমষ্টিৰ পূৱ ধনীৰাম পথাৰ গাঁও পঞ্চায়তত ৷ বাতৰি অনুসৰি যোগীজান উন্নয়ন খণ্ডৰ অন্তৰ্গত পূৱ ধনীৰাম পথাৰ গাওঁ পঞ্চায়তত ২০১৯-‘২০ বিত্তীয় বৰ্ষত গাঁও পঞ্চায়ত কাৰ্যালয়ত আৰচিচি বিল্ডিং নিৰ্মাণৰ বাবে চতুৰ্দশ বিত্তীয় আয়োগৰ প্ৰথম কিস্তিত ৮,৫৯,৮৩৬ টকা আবন্টন দিয়া হৈছিল ৷ একেদৰে ২০১৯-‘২০ বিত্তীয় বৰ্ষত পুনৰ একেখন গাঁও পঞ্চায়ত কাৰ্যালয়ত আৰচিচি বিল্ডিং নিৰ্মাণৰ নামত চতুৰ্দশ বিত্তীয় আয়োগৰ দ্বিতীয় কিস্তিৰ পৰা ৮,১৪,৭৭৯ টকা আবন্টন দিয়া হয় ৷ মুঠতে একেখন পঞ্চায়তত এটা বিত্তীয় বৰ্ষত চতুৰ্দশ বিত্তীয় আয়োগৰ পৰা বিল্ডিং নিৰ্মাণৰ বাবে ১৬ লাখ ৭৪ হাজাৰ ৬১৫ টকা আবন্টন দিয়া হয় ৷ কিন্তু বাস্তৱত পঞ্চায়ত কাৰ্যালয় চৌহদত কোনো নতুন বিল্ডিঙৰ অস্তিত্ব পাবলৈ নাই ৷ এক প্ৰকাৰ অস্তিত্বহীন আঁচনিৰ নামত পঞ্চায়তৰ সভানেত্ৰী আৰু সচিবে মিলি গো-গ্ৰাসে হজম কৰিলে পঞ্চায়ত কাৰ্যালয়ৰ বিল্ডিং নিৰ্মাণৰ ধন ৷ পঞ্চায়তৰ সভানেত্ৰী পিংকী সাহা আৰু সচিব মনীষ দেবনাথে হাতৰ পুতলা সদৃশ নিৰ্মাণ সমিতিৰ সৈতে মিলি চলোৱা এই লুণ্ঠনৰাজৰ সমস্ত তথ্য এক আৰটিআইৰ জৰিয়তে পোহৰলৈ আহিছে ৷ ধূৰন্ধৰ সভানেত্ৰী আৰু সচিবে চতুৰ্দশ বিত্তীয় আয়োগৰ ধন হজম কৰিবলৈ পঞ্চায়ত কাৰ্যালয় চৌহদত থকা এখন পুৰণি ঘৰত কিছু ৰং, তেল, চূন সানি নিজৰ লুণ্ঠনৰ অধ্যায় গাপ দিব বিচাৰিছে ৷ ইমানতেই শেষ নহয় পঞ্চায়ত সভানেত্ৰী গৰাকীৰ কুকৰ্মৰ কাহিনী ৷ এইগৰাকী সভানেত্ৰী পিংকী সাহা আৰু সচিব মনীষ দেৱনাথৰ বাবে খিৰতী গাইত পৰিণত হোৱা পঞ্চায়ত কাৰ্যালয়খন পুনৰ নিৰ্মাণৰ নামত ২০১৭-‘১৮ বিত্তীয় বৰ্ষত ৩ লাখ ৫০ হাজাৰ ৭০ টকা আবন্টন দি কেৱল মাত্ৰ এখন ফলক আৰু এখন দেৱাল নিৰ্মাণ কৰিয়েই ধনৰ সিংহভাগ লুণ্ঠন কৰাৰো অভিযোগ আছে ৷ ভয়ংকৰ লুণ্ঠনৰ অভিকেন্দ্ৰ হৈ পৰা পূৱ ধনীৰাম পথাৰ গাঁও পঞ্চায়ত কাৰ্যালয় চৌহদত মাটি পেলোৱাৰ নামত এনৰেগাৰ জৰিয়তে এটি আঁচনি ধৰা হয় ৷ কিন্তু পঞ্চায়ত সভানেত্ৰী, গ্ৰাম ৰোজগাৰ সহায়ক আৰু এক্ৰিডেটেড ইঞ্জিনিয়াৰে মিলি ৩,৫২,১৩৭ টকা আত্মসাৎ কৰাৰো অভিযোগ উঠিছে ৷ স্থানীয় ৰাইজৰ অভিযোগ মতে, মাত্ৰ কেই ডাম্পাৰ মান মাটি পেলাই এনৰেগা আঁচনিৰ এই ধনৰাশী ভক্ষণ কৰে পঞ্চায়তৰ সেৱক এইসকল ধুৰন্ধৰে ৷ ৰাইজে পঞ্চায়ত আৰু গ্ৰামোন্নয়ন মন্ত্ৰীৰ হস্তক্ষেপ কামনা কৰাৰ লগতে এক উচ্চস্তৰীয় তদন্তৰ দাবী উত্থাপন কৰিছে ৷ হোজাই জিলা পৰিষদৰ মুখ্য কাৰ্যবাহী বিষয়াই পঞ্চায়তখনত সংঘটিত দুৰ্নীতিৰ তদন্ত কৰিবলৈ সাহস কৰিবনে ? পঞ্চায়ত আৰু গ্ৰামোন্নয়ন বিভাগে চকু দিবনে ? নে এইসকলে চলাই যাব ধাৰাবাহিক লুণ্ঠন ?
Breaking
- গুৱাহাটী স্মাৰ্ট চিটী প্ৰকল্প পৰ্যবসিত হৈছে খীৰতী গাইলৈ। ছ বছৰত ৩৬৪ কোটি ব্যয় কৰাৰ পিছতো প্ৰতিফলিত হোৱা নাই উন্নয়নৰ ছবি
- কৃতি চাননৰ ৩২ তম জন্মদিনত সুশান্তৰ সৈতে ৰোমান্টিক ফটো চাওক। আৱেগিক হৈ পৰিল কৃতি চানন
- চৰাইবাহী বৰভগীয়াত ড্ৰাগচ বিৰোধী অভিযানত মিকিৰভেটা আৰক্ষীৰ বৃহৎ সফলতা
- অত্যাৱশ্যকীয় সামগ্ৰীৰ মূল্য বৃদ্ধিৰ বিৰুদ্ধে গোলাঘাট মহকুমা ছাত্ৰ সন্থাৰ উত্তাল প্ৰতিবাদ
- ‘হাল্লা ব’ল’ৰে উদ্ভাসিত এ চি এ ষ্টেডিয়ামঃ মহানগৰীত আই পি এলৰ উন্মাদনা
- USTM ত আন্তৰ্জাতিক নাৰ্ছ দিৱস উদযাপন
- মন্ত্ৰী পীযুষ হাজৰীকাৰ মহানুভৱতা, তিনিটা কণমানিৰ ভৱিষ্যৎ সুৰক্ষাৰ বাবে ব্যক্তিগত প্ৰয়াসত ব্যৱস্থা গ্ৰহণ
- অভিলেখ সৃষ্টিকাৰী ৩.২৭ লাখ পৰ্যটকৰ আগমণ হোৱা কাজিৰঙা ৰাষ্ট্ৰীয় উদ্যানত এই সংযোজনে এক নতুন মাত্ৰা প্ৰদান কৰিব: মন্ত্ৰী জয়ন্ত মল্ল বৰুৱা
- অসমৰ এই ১৯ খন জিলালৈ সতৰ্কবাণী ! মুষলধাৰ বৰষুণৰ লগতে ঘণ্টাত ৪০-৫০ কিলোমিটাৰ গতিত আহিব ধুমুহা…
- গ্ৰাম্যাঞ্চলত সক্ৰিয় গৰু চুৰি চক্ৰ ! থানাই থানাই গৰুৰ গৰাকীয়ে দাখিল কৰিছে চুৰি হোৱা গৰুৰ অভিযোগ…
- গুৱাহাটীৰ লখৰাৰ পিঠাগুৰিৰ ১০নং গৃহত উদ্ধাৰ চিকিৎসকৰ মৃতদেহ…
- চাৰণ বিলৰ মনোৰম পৰিৱেশত ছাত্ৰ-ছাত্ৰীৰ বাবে প্ৰকৃতি সজাগতা শিবিৰ, বন ধ্বংসৰ দৰে অবিবেচকী কাম-কাজৰ বিৰুদ্ধে সজাগতা সৃষ্টিৰ আহ্বান জিলা আয়ুক্তৰ…
- এ আই ইউ জ’নেল আন্তঃ বিশ্ববিদ্যালয় উডবল টুৰ্নামেণ্টঃ ১ টা সোণ, ২ টা ব্ৰঞ্জৰ পদেকেৰে ভূপালত জিলিকিল মহাপুৰুষ শ্ৰীমন্ত শংকৰদেৱ বিশ্ববিদ্যালয়
- ভাৰতীয় ক্ৰিকেট দলে শীঘ্ৰে নতুন প্ৰশিক্ষক লাভ কৰাৰ সম্ভাৱনা…