গোসাইগাঁও মহকুমাৰ অসম-বংগ সীমান্তৰ শিমুলটাপু আৰক্ষীৰ অভিযানত বৃহৎ পৰিমানৰ বাৰ্মিজ সুপাৰী সহ ৬ চকীয়া বাহন জব্দ কৰাৰ লগতে গাড়ি চালকক আটক কৰে৷ শ্ৰীৰামপুৰত শিমলটাপু আৰক্ষী চকীৰ ভাৰপ্ৰাপ্ত বিষয়া সঞ্জয় কুমাৰ ৰায় অভিযান চলাই বৃহৎ পৰিমানৰ চুপাৰি জব্দ কৰিবলৈ সক্ষম হয়৷
ৰাষ্ট্ৰীয় ঘাইপথত গোপন খবৰৰ ভিক্তিত তালাচী চলাই আৰক্ষীয়ে বৃস্পতিবাৰ সন্ধিয়া ৮:৩০ মান বজাত জব্দ কৰে ৬ চকীয়া চুপাৰী ভৰ্তি বাহনখন৷উল্লেখনীয় বিষয় যে আদাৰ তলত লুকুৱাই আনিছিল বুজন পৰিমানৰ বাৰ্মিজ চুপাৰি ৷চুপাৰি ভৰ্তি বাহনখনৰ নম্বৰ আছিল UP 44AT -9048 ।গাড়িচালক গৰাকী-উত্তৰ প্ৰদেশ সুলতানপুৰৰ বাসিন্দা বদুৰুদ্দিন খান (৫১) বুলি চিনাক্ত কৰা হৈছে।
