বঙাইগাঁও জিলাৰ মাণিকপুৰ আৰক্ষী চকীৰ অন্তৰ্গত বাশবাৰী ওচমানী বজাৰত যোৱা ৰাতি চোৰে চলালে ছাফাই অভিযান। একে লগতে ৬খন দোকানৰ তলা ভাঙি কৰিলে চুৰি। আফজালুৰ ৰহমান, আব্দুল কুদ্দুচ, আজাদ আলী, নয়ন মনি আৰু আলম আলীৰ দোকান তলা ভাঙি চোৰে লুটি নিলে ১০ লাখ সামগ্ৰীৰ লগতে নগদ ধন। উল্লেখ্য যে বাশবাৰী গাওঁৰ বিভিন্ন অঞ্চলত ৰাতিত বহে জুৱাৰ আড্ডা।
জুৱাৰীয়ে চুৰি কৰাৰ সন্দেহ ৰাইজৰ। তদন্ত কৰি দোষীক কৰায়ত্ব কৰিবলৈ বঙাইগাঁও জিলা প্ৰশাসনক আহ্বান জনাইছে ভুক্তভোগী সকলে।
