তামুলপুৰৰ কচুকাটা ক্লাষ্টাৰৰ বৰ বালিশিহা আঞ্চলিক এম.ই. স্কুলত সামূহিক উৎসৱ অনুষ্ঠিত হৈ যায়।বাক্সা জিলা আৰু তামুলপুৰ শিক্ষাখণ্ডৰ উদ্যোগত কচুকাটা ক্লাষ্টাৰৰ বৰ বালিশিহা আঞ্চলিক এম.ই স্কুলত দুদিনীয়া বৰ্ণাঢ্য কাৰ্যসূচীৰে Community Festival অৰ্থাৎ সামূহিক উৎসৱ অনুষ্ঠিত হয়।কাৰ্যসূচী অনুসৰি প্ৰথম দিনা ৰাতিপুৱা পতাকা উত্তোলন কৰি কাৰ্যসূচীৰ শুভাৰম্ভ কৰে। ইয়াৰ পিছতেই শ্বহীদ তৰ্পণ, বৃক্ষৰোপন, যোগ প্ৰদৰ্শন ও খেল ধেমালী প্ৰতিযোগিতা, কুইজ প্ৰতিযোগিতা, চিত্ৰাংকন প্ৰতিযোগিতা, একক আধুনিক নৃত্য প্ৰতিযোগিতা তথা সন্ধিয়া বন্তি প্ৰজ্বলনেৰে প্ৰথম দিনাৰ কাৰ্যসূচীৰ সামৰণি পৰে।
ঠিক তেনেদৰেই দ্বিতীয় তথা শেষৰ দিনা ৰাতিপুৱা বন্তি প্ৰজ্বলনেৰে কাৰ্যসূচী শুভাৰম্ভ কৰা হয়। ইয়াৰ পিছতেই সাংস্কৃতিক শোভাযাত্ৰা উলিওৱা হয়। সাংস্কৃতিক শোভাযাত্ৰাৰ পিছতেই অনুষ্ঠানটোৰ লগত সঙ্গতি ৰাখি মুকলি সভা অনুষ্ঠিত হয়। মুকলি সভাত বিটিআৰৰ মনোনীত এমচিএল হেমন্ত কুমাৰ ৰাভাকে আদি কৰি বহুতো বিশিষ্ট ব্যক্তি উপস্থিত থকা পৰিলক্ষিত হয়।
