আগশাৰী স্বেচ্ছাসেৱী সংস্থা ৰাইভি”ৰ উদ্যোগত তথা মান্দাকাটা গাঁও পঞ্চায়তৰ সহযোগত শনিবাৰে মান্দাকাটা উচ্চতৰ মাধ্যমিক বিদ্যালয়ত এটি বিনামূলীয়া চিকিৎসা শিবিৰ অনুষ্ঠিত হৈ যায়।চিকিৎসা শিবিৰৰ মুখ্যদ্বাৰ মুকলি কৰে মুখ্যমন্ত্ৰী ডঃ হিমন্ত বিশ্ব শৰ্মাৰ বিশেষ কৰ্তব্যৰত বিষয়া হেমন্ত চৌধুৰীৰ পত্নী মোহময়ী অভিনেত্ৰী, বিশিষ্ট সমাজ সেৱিকা তথা “ৰাইভ” স্বেচ্ছাসেৱী সংগঠন সম্পাদিকা ডাঃ ৰুপা বৰকটকী চৌধুৰীয়ে ।স্বেচ্ছাসেৱী সংস্থাটোৰ সভাপতি সুমন আহমেদে জনোৱা অনুসৰি যুব সমাজ কৰ্মী চাইনিং মাৰাক বিশিষ্ট সমাজকৰ্মী অচ্যুত দাস বাবুল ছেত্ৰী পিতাম্বৰ ডেকা বাহাৰুল ইছলাম আৰিফ আলি বাবুল আলী ইফ্তাজুল হক প্ৰমুখ্যে কেইবাগৰাকীও লোকৰ প্ৰত্যক্ষ সহযোগত শনিবাৰে অনুষ্ঠিত হোৱা এই বিশেষ স্বাস্থ্য শিবিৰটোত ডাঃ সুজিত কুমাৰ ৰেড্ডী (কুৱেট),ৰ নেতৃত্বত ডাঃ বিনীতা ডেকা (কুৱেইটত কৰ্মৰত) , ডাঃ জয়ন্ত ডেকা, ডাঃ ময়ুৰী দাস, ডাঃ কুমাৰান ৰামাচামী , ডাঃ আখতাৰ হুছেইন ,ডাঃ পুলিন চন্দ্ৰ ডেকা ,ডাঃ অপৰাজিতা পাটোৱাৰী, ডাঃ দিপাংকৰ শৰ্মা, ডাঃ এছ এম আলী ডেৱানে চিকিৎসা সেৱা আগবঢ়োৱাৰ বিপৰীতে সমাজসেৱক তথা চিকিৎসা কৰ্মী ইন্তাজুল হক , মিজানুৰ ৰহমান, সীমান্ত ডেকা ,লিজা চৌধুৰী চাবিতা নাথ ,জন্তি কাকতি মোস্তাক হুছেইন ,আজাদুল হুছেইন, আহমদ আলী, বিজয় শংকৰ ডেকা, ৰবিন দাস, চামচুল আলী, অভিজ্ঞ নাৰ্চ কণমাই বেগম , নাৰমি নাথ চহৰীয়া, হীৰকজ্যোতি ডেকা আদিয়ে সহযোগিতা আগবঢ়াই।
চিকিৎসা শিবিৰটো মুকলি কৰাৰ পিছত ৰাইভি”ৰ তৰফৰপৰা শিৱিৰত সেৱা আগবঢ়োৱা চিকিৎসক আৰু চিকিৎসা কৰ্মীৰ লগতে মান্দাকাটা গাঁও পঞ্চায়তৰ সভাপতি জাহিদুল ইছলাম আঞ্চলিক সদস্য বীৰেন বৈশ্য মান্দাকাটা উচ্চতৰ মাধ্যমিক বিদ্যালয়ৰ অধ্যক্ষ ৰুমী বেগম,সমাজকৰ্মী ৰানা বশিষ্টক ফুলাম গামোচাৰে সম্বৰ্ধনা জ্ঞাপন কৰা হয়।মান্দাকাটা গাঁও পঞ্চায়তৰ অন্তৰ্গত দক্ষিণ মান্দাকাটা, উত্তৰ মান্দাকাটা, কুমনগৰ, কলিতাপাৰা, মান্দাকাটা চাহ বাগান, সাতগাওঁ, বৰবাকা, সৰুবাকা আদি বিভিন্ন অঞ্চলৰ সহস্ৰাধিক
ৰোগীয়ে স্বাস্থ্য পৰীক্ষা কৰি বিভিন্ন ৰোগৰ ঔষধ সংগ্ৰহ কৰে।
মান্দাকাটাৰ পৰা ইফ্তাজুল হকৰ ৰিপৰ্ট প্ৰতিবেদন
