শ্ৰীমন্ত শংকৰদেৱ সংঘৰ ৫৭৪ সংখ্যক কেন্দ্ৰীয় শ্ৰীমন্ত শংকৰদেৱৰ আবিৰ্ভাৱ মহোৎসৱ আৰু কেন্দ্ৰীয় নাট সমাৰোহ খন এইবাৰ নামনি অসমৰ কেন্দ্ৰবিন্দু স্বৰূপ বঙাইগাঁও জিলা শাখাৰ অতিথ্যত অনুষ্ঠিত হব । অহা ১৬আৰু ১৭ অক্টোবৰত বঙাইগাঁও জিলা শাখাৰ বৰ্ষনগাঁও প্ৰাথমিক শাখাত অনুষ্ঠিত হবলগীয়া উক্ত কেন্দ্ৰীয় গুৰু জয়ন্তী আৰু নাট সমাৰোহৰ বাবে ইতিমধ্যে জিলা শাখাৰ আদৰণি সমিতিৰ প্ৰতিটো উপ সমিতি সেৱা বাহিনী আৰু আই মাতৃ কল্যান সমিতিৰ উদ্যোগত কাৰ্য্য নিৰ্বাহক তথা জাগৰণ সভা ব্যাপক ভাবে চলি আছে।সেইমতে আজি জিলা সেৱা বাহিনীৰ আহ্বানত এক বৃহৎ সেৱাবাহিনীৰ জাগৰণ সভা অনুষ্ঠিত হয়।
আবেলি ৩:০০ বজাৰ পৰা বঙাইগাঁও আঞ্চলিকৰ সভাপতি অমৃত গগৈ বাপে আগধৰা গুৰু বন্দনা আৰু সঞ্চালনাত অনুষ্ঠিত হোৱা সভাত মূলৰ তথা কেন্দ্ৰীয় সদস্য ভৱেশ্বৰ ৰায় বাপ,জিলা সম্পাদক অজিত চৌধুৰী বাপ,জিলা প্ৰচাৰ শাখাৰ সম্পাদক প্ৰফুল্ল কুমাৰ দাস বাপ ,জনাৰ্দন সৰকাৰ বাপ,জয়ন্ত দাস বাপ,ৰাতুল কলিতা বাপ,সৌৰভ ৰায় বাপ,মনোজ কুমাৰ ৰায় বাপ আদিয়ে ভাষণ দি সেৱা বাহিনীৰ আগন্তুক দিনৰ বিভিন্ন পৰামৰ্শ আগবঢ়ায়।সভাই আঞ্চলিক আৰু প্ৰাথমিক শাখাৰ অধিনায়ক আদি নিৰ্বাচিত কৰে ।জিলা অধিনায়ক কুঞ্জ ৰায় বাপে উদ্দেশ্যে ব্যাখ্যা কৰা সভাত সামৰণি ভাষণ আৰু সামৰণি গুৰু বন্দনা আগধৰে আঞ্চলিকৰ সভাপতি অমৃত গগৈ বাপে।
