কামৰূপ জিলাৰ হাজো ৰাজহ চক্ৰৰ অন্তৰ্গত অগ্ৰনী শৈক্ষিক প্ৰতিষ্ঠান হাজো উচ্চতৰ মাধ্যমিক বিদ্যালয়ত আজি এখনি গাম্ভীৰ্যপূৰ্ণ বিদায় সম্বৰ্ধনা সভা অনুষ্ঠিত হ’য়।হাজো উচ্চতৰ মাধ্যমিক বিদ্যালয়ৰ অৱসৰী কৃতি শিক্ষক নগেন চন্দ্ৰ মালাকৰ’ক আনুষ্ঠানিকভাৱে বিদায় জনোৱাৰ উদ্দেশ্য আজিৰ বিদায় সম্বৰ্ধনা সভাখনি অনুষ্ঠিত কৰা হ’য়।এটি সমবেত সংগীতৰে আৰম্ভনি হোৱা আজিৰ সভাখনিৰ সভাপতিত্ব কৰে বিদ্যালয়ৰ অধ্যক্ষ দীপক কাকতিয়ে।সভাত বিদায়ী শিক্ষক নগেন চন্দ্ৰ মালাকৰৰ শিক্ষকতা জীৱনৰ অভিনৱ কৰ্মৰাজিৰ বিষয়ে আলোকপাত কৰাৰ লগতে অঞ্চলটোৰ বিভিণ্ণ সামাজিক অনুষ্ঠান প্ৰতিষ্ঠানৰ লগতো তেওঁ ওতপ্ৰোতভাৱে জড়িত হৈ থকা আদৰ্শৰাজিৰ বিষয়ে গঠনমূলক বক্তৃতা প্ৰদান কৰে সহকাৰী শিক্ষক শিক্ষয়ত্ৰীসকলে।আজিৰ সভাত বৰগীত পৰিবেশন কৰে শিক্ষয়ত্ৰী ইভাৰানী মালাকৰে।
আৰু ছাত্ৰ ছাত্ৰীৰ নৃত্য পৰিবেশনৰ লগতে শিক্ষক প্ৰদীপ কলিতা আৰু বিনোদ ভাগৱতীয়ে সুমধুৰ গীত পৰিবেশনৰে অনুষ্ঠানটি জীপাল কৰি তোলে।তদুপৰি আজিৰ সভাত বিদায়ী শিক্ষক নগেন চন্দ্ৰ মালাকৰক এখনি ফুলাম গামোছা,গ্ৰন্থ,মানপত্ৰ, পিতলৰ শৰাই ,দুলুৰী ,ছাতি আৰু বস্ত্ৰৰে বিপুলভাৱে সম্বৰ্ধনা জনায় তেখেতৰ সুস্বাস্থ্য তথা দীৰ্ঘায়ু কামনা কৰে।সমান্তৰালভাৱে বিদ্যালয়ৰ সৰ্বাংগীন উণ্ণয়নৰ স্বাৰ্থত ছাত্ৰ ছাত্ৰীৰ শৈক্ষিক উত্তৰনৰ দিশত ন- উদ্যমৰে পূৰ্বৰ দৰেই সদায় কাম কৰি যাব বুলি দৃঢ়তাৰে উল্লেখ কৰে বিদায়ী শিক্ষক নগেন চন্দ্ৰ মালাকৰে।
