এজাক শিশু ব্যস্ত ছবি অঁকাত। মনত আছে দুৰ্বাৰ হেঁপাহ বুকুত আছে অদম্য সাহস যেন কিবা এটা শিকাৰ। সিহঁতৰ সপোন পূৰাবলৈ আগবাঢ়ি আহিছে জৰাগুৰি নৱদ্বীপ যুৱ সংঘ।বৃহত্তৰ ব্ৰহ্মপুত্ৰ অঞ্চলৰ জৰাগুৰিত এজাক কণ কণ শিশুৰ মানসিক, শৈক্ষিক বিকাশৰ লক্ষ্যৰে আজি জৰাগুৰি যুৱ সমাজে কণ কণ শিশু সকলক একগোট কৰি প্ৰতিষ্ঠা কৰিছে এখন চিত্ৰকলা বিদ্যালয়।শিশু সকলক এখন ৰঙিল পৃথিৱী দেখুৱাৰ উদ্দেশ্যৰে প্ৰতিষ্ঠা কৰা চিত্ৰকলা বিদ্যালয়খনৰ শুভ উদ্বোধন কৰে বিশিষ্ট কবি সাহিত্যক মণিকণকণা বৰবৰাই।
এই শুভ উদ্বোধনি অনুষ্ঠান উপস্থিত থাকে প্ৰাক্তন শিক্ষক বলীন চন্দ্ৰ বৰা , প্ৰশান্ত লৈং , জয়ন্ত দত্ত , শ্ৰীমন্ত হাজৰিকা , প্ৰশান্ত নেওগ।গাঁৱলীয়া বাটেৰে লুইতৰ ঘাটেৰে আকাশ চোৱাৰ সপোন সাৰ্থক কৰিবলৈ জৰাগুৰি নৱদ্বীপ যুৱ সংঘই প্ৰতিটো সময়ত শিশু সকলকলৈ বিভিন্ন কাৰ্যসূচী হাতত লৈ আহিছে।
ৰঙামাটিৰ পৰা দিব্য জ্যোতি কাকতিৰ প্ৰতিবেদন
