গোসাইগাঁৱৰ উওৰপাৰা বাছষ্টেডত জাহেৰ ছাগুন বাইচীৰ কেন্দ্ৰীয় সমিতিৰ আহ্বানত অনুষ্ঠিত হোৱা এখন সাধাৰণ সভাত অংশ গ্ৰহণ কৰি সাধাৰণ সম্পাদক হেম্ব্ৰমে আৰু কয় যে আদিবাসী চাঁওতাল সমাজৰ পৰা কু- সংস্কাৰ, অন্ধ বিশ্বাস আদি দূৰ কৰাৰ স্বাৰ্থত জাহেৰ ছাগুন বাইচীয়ে এক অগ্ৰগণী ভূমিকা লৈ কাম কৰি আছে৷ এনেকি চাঁওতাল জনগোষ্ঠীয় সমাজৰ পৰা চাঁওতালী পৰম্পৰা আচাৰ নীতি নিয়ম ক্ৰমান্বয়ে হেৰুৱাই যাব ধৰা পৰম্পৰা সমূহ পুনৰ জাগ্ৰাত কৰি ৰখাৰো প্ৰয়াস চলোৱা হৈছে ৷জাহেৰ ছাগুন বাইচীৰ সাধাৰণ সম্পাদ হেম্ব্ৰমে সদ্যহতে আদিবাসী বিদ্ৰোহী সংগঠনৰ সৈতে চাৰকৰে যি ত্ৰিপাক্ষিক শান্তি চুক্তি কৰিলে সেই চুক্তি সমূহৰ দফা সমূহ যাতে সঠিক ৰূপে কাৰ্যকৰী কৰে তাৰ বাবে আহ্বান জনায় ৷অকল চুক্তি নামাতে যাতে দফা সমূহ সন্নিবিষ্ট হৈ নাথাকে চুক্তি সমূহৰ দফা বাস্তৱিক কৰি শোষিত ,বঞ্চিত ,নিষ্পেষিত আদিবাসীৰ সৰ্বংগীন উন্নয়ন সাধন কৰাৰ বাবে চৰকাৰক আহ্বান জনাইছে আৰু ত্ৰিপাক্ষিক শান্তি চুক্তিৰ প্ৰতি পূৰ্ণ সমৰ্থন জনাই চৰকাৰক ধন্যবাদ জ্ঞাপন কৰে৷
জাহেৰ ছাগুন বাইচীৰ সভাপতি দানিয়াল হাসদাৰ সভাপতিত্বত অনুষ্ঠিত হোৱা সাধাৰণ সভাখনত চাঁওতালী সমাজৰ বিভিন্ন দিশ সাঙুৰি লৈ এক ত্বত গধুৰ আলোচনা বিলোচনা কৰে চাঁওতালী সমাজৰ ভালেসংখ্যক গন্য মান্য ব্যক্তিয়ে ৷আলোচনাৰ অন্তত সৰ্বসন্মতি ক্ৰমে সুৰেন্দ্ৰ হাসদাক সভাপতি আৰু ছেভেন হেম্ব্ৰমক সাধাৰণ সম্পাদক হিচাপে লৈ জাহেৰ ছাগুন বাইচীৰ গোসাইগাঁও জিলা সমিতিখন গঠন কৰা হয়৷
