ধুবুৰী জিলাৰ চাপৰ বহলপুৰৰ ৰত্নপীঠ মহাবিদ্যালয়ত নৱাগতক আদৰণি সভা।মুখ্য অতিথি হিচাপে উপস্থিত থাকিল সাহিত্যিক তথা পৰিচালক নুৰল চুলতান।বিশিষ্ট অতিথি হিচাপে উপস্থিত থাকিল য়েছে দৰজে ঠংচি।মানস প্ৰতীমৰ গীতে মুহিলে ছাত্র-ছাত্ৰীৰ মন।অসমৰ প্ৰাক্তন মুখ্যমন্ত্ৰী তথা জননেতা শৰৎ চন্দ্ৰ সিংহৰ মানসকন্যা ৰূপে পৰিচিত ধুবুৰী জিলাৰ বহলপুৰৰ ৰত্নপীঠ মহাবিদ্যালয় নৱাগতক ফুলৰ পুষ্প বৃষ্টিপাতৰে আদৰণি জনোৱা হয়।
আদৰণি সভা উপলক্ষে অনুষ্ঠিত হোৱা মুকলি সভাত সভাপতিত্ব কৰে মহাবিদ্যালয়খনৰ অধ্যক্ষ শ্বেখ হেদায়ৎ উল্লাই।মুকলি সভাখনত ডেৰগাওৰ বিশিষ্ট সাহিত্যিক তথা পৰিচালক নুৰল চুলতান, অৰুণাচলৰ বিশিষ্ট সাহিত্যিক য়েছে দৰজে ঠংচি, মহাবিদ্যালয়ৰ প্ৰাক্তন অধ্যক্ষ ক্ৰমে তৰণী কান্ত ৰায়, ড° প্ৰভাস দাস, বিশিষ্ট গণিতজ্ঞ তথা চাপৰ উচ্চতৰ মাধ্যমিক বিদ্যালয়ৰ অৱসৰপ্ৰাপ্ত অধ্যক্ষ অৰুণ কংসবনিক মুকলি সভাত উপস্থিত থাকি বহু মুলীয়া ভাষণ কৰে।
ইপিনে নৱাগতক আদৰণি উপলক্ষে এখন সাংস্কৃতিক অনুষ্ঠান অনুষ্ঠিত হয়।সাংস্কৃতিক অনুষ্ঠানৰ বিশেষ আকৰ্ষণ মানস প্ৰতীমৰ গীতে ছাত্ৰ-ছাত্ৰী তথা ৰাইজৰ মন মুগ্ধ কৰে।
