শ্ৰীমন্ত শঙ্কৰদেৱ সঙ্ঘৰ অন্তৰ্গত কৰুণাকান্ত কলিতা আঞ্চলিক শাখাৰ উদ্যোগত আৰু ৰামদিয়াবাসী ৰাইজৰ সহযোগত শ্ৰীমন্ত শংকৰদেৱ সংঘ কৰুণাকান্ত কলিতা আঞ্চলিক শাখাৰ সাংস্কৃতিক কেন্দ্ৰ নামঘৰ প্ৰাংগনত ৫৭৪ সংখ্যক আৱিৰ্ভাৱ মহোৎসৱভাগি এইবেলি চাৰিদিনীয়া বৰ্ণাঢ্য কাৰ্যসূচীৰে অনুষ্ঠিত হ’য়। সেই অনুসৰি পৰিবেশ নিকাকৰন,প্ৰাত প্ৰসংগ,ধৰ্মধ্বজা উত্তোলন,ভাগৱত ভ্ৰমন,বন্তি প্ৰজ্বলন,উষা কীৰ্তন,সামূহিক নাম প্ৰসংগ,ধৰ্মালোচনী সভা,আইসকলৰ নাম প্ৰসংগ, “দধি-মথন” ভাওনা আদি বিভিণ্ণ কাৰ্যসূচীৰে ভক্তিৰসৰ আপ্যায়নৰে অনুষ্ঠিত হ’য় গুৰুজনাৰ ৫৭৪ সংখ্যক আৱিৰ্ভাৱ মহোৎসৱভাগি।
উক্ত অনুষ্ঠানতেই হাজোৰ সু সন্তান,সমাজ সেৱক দিনমনি ভাণ্ডাৰ কায়স্থদেৱলৈ সমাজ সেৱা বঁটাৰে বিভূষিত কৰে।হাজো অঞ্চলৰ প্ৰতিটো অনুষ্ঠান প্ৰতিষ্ঠানত ওত প্ৰোত ভাৱে জড়িত হৈ ৰাইজৰ সুখে দুখে সমভাগী হোৱা বিশিষ্ট সমাজ সেৱক দিনমনি ভাণ্ডাৰ কায়স্থদেৱলৈ এখনি ফুলাম গামোছা,এটি পিতলৰ শৰাই,এটি ফুলাম জাপি,এখনি অভিনন্দন পত্ৰৰে বিশেষভাৱে সমাজসেৱক বটাৰে স্বীকৃতি প্ৰদান কৰে সমিতিৰ বিষয়ববীয়াই।উল্লেখ্য যে পঞ্চাদশ শতিকাতে ধৰ্ম প্ৰচাৰৰ জৰিয়তে একতাৰ বাণী বিলোৱা জগতগুৰু জনাৰ আদৰ্শ কৰ্মৰাজিক সোঁৱৰন কৰাৰ উদ্দেশ্যৰে গুৰুজনাৰ আৱিৰ্ভাৱ মহোৎসৱভাগি অনুষ্ঠিত কৰা হ’য় বুলি জানিবলৈ দিয়ে সমূহ উদযাপন সমিতিয়ে।
