দৈনন্দিন বাৰ্তা ডেস্ক : ৰাষ্ট্ৰীয় জনতা দল অৰ্থাৎ আৰজেডিৰ পৰা কিছু দিনৰ আগতে পদত্যাগ কৰা আৰু বিহাৰৰ ভোটাৰৰ মুখত লালুপ্ৰসাদ যাদৱৰ দীৰ্ঘদিনা ৰাজনৈতিক সংগী, প্ৰাক্তন কেন্দ্ৰীয় মন্ত্ৰী ৰঘুবংশ প্ৰসাদ সিঙৰ দেওবাৰে পুৱা দিল্লীৰ এইমছত মৃত্যু হয় ৷ মৃত্যুৰ সময়ত তেওঁৰ বয়স ৭৪ বছৰ আছিল ৷ উল্লেখ্য যে কিছুদিনৰ আগতে ক’ৰোনাত আক্ৰান্ত হৈছিল ৰঘুবংশ প্ৰসাদ সিং ৷ তাৰ পৰা আৰোগ্য হ’লেও কেতবোৰ শাৰীৰিক সমস্যাত তেওঁ ভোগি আছিল ৷ সেয়ে তেওঁক এইমছত ভৰ্ত্তি কৰা হৈছিল ৷ চিকিৎসালয়ত থাকোতেই লালুপ্ৰসাদ যাদৱলৈ চিঠি লিখি দল এৰাৰ কথা ৰঘুবংশ প্ৰসাদ সিঙে জনাইছিল ৷ চিঠিত লিখিছিল, ‘জননায়ক কৰ্পূৰি ঠাকুৰৰ মৃত্যুৰ পাচৰ পৰা দীৰ্ঘ ৩২ বছৰ ধৰি আপোনাৰ সৈতে আছো ৷ কিন্তু আৰু নহ’ব ৷’ ইয়াৰ লগতে জনায়, ‘বিহাৰৰ সাধাৰণ মানুহৰ উপৰি দলৰ নেতা-কর্মীৰ ওচৰত থাকি বহু ভাল পাইছো ৷ মোক ক্ষমা কৰিব৷’ আনহাতে কাৰাগাৰত থাকি ৰঘুবংশ প্ৰসাদ সিঙৰ এই চিঠিৰ উত্তৰ দিয়ে লালুপ্ৰসাদ যাদৱে ৷ চিঠিত দীৰ্ঘদিনৰ সংগীৰ ‘পৰিয়ালৰ সদস্য’ বুলি উল্লেখ কৰে লালুপ্ৰসাদ যাদৱে ৷ আনকি তেওঁ বিষয়টো মিলামিছাৰ প্ৰস্তাৱ দিয়ে ৷ কেইটামান দিনৰ পাচতে বিহাৰত বিধানসভা নিৰ্বাচন অনুষ্ঠিত হ’ব৷ তাৰ আগতে ৰঘুবংশ প্ৰসাদ সিঙৰ পদত্যাগ আৰজেডি শিবিৰত বৃহৎ আঘাত হিচাপে প্ৰতিপন্ন হৈছিল ৷ ১৯৯৭ চনত জনতা দল ভাঙি আৰজেডি গঢ়াৰ সময়ৰে পৰা লালুপ্ৰসাদ যাদৱৰ সংগী আছিল ৰঘুবংশ প্ৰসাদ সিং ৷ মনমোহন সিঙৰ প্ৰথমখন চৰকাৰত তেওঁ গ্রামোন্নয়ন মন্ত্রী আছিল ৷ তাৰ আগতে দেৱেগৌড়া চৰকাৰৰ দিনত তেওঁ পশুপালন বিভাগৰ ৰাজ্যিক পৰ্যায়ৰ মন্ত্ৰী আছিল ৷ উল্লেখ্য যে ১০০ দিনৰ কামৰ প্ৰকল্পটো তেওঁৰেই মস্তিস্কপ্ৰসূত ৷ দেশত এনৰেগা প্ৰৱৰ্তন কৰাত তেওঁৰ ভূমিকা সকলোতকৈ বেছি ৷ আৰজেডিৰ ৰাষ্ট্ৰীয় উপ সভাপতি, চাৰি দশক ধৰি বিহাৰ আৰু ৰাষ্ট্ৰীয় ৰাজনীতিৰ বহু ঘাট-প্রতিঘাতৰ সাক্ষী আছিল ৰঘুবংশ প্ৰসাদ সিং ৷ তেওঁৰ মৃত্যুত এটা যুগৰ পৰিসমাপ্তি ঘটিল বুলি ৰাজনৈতিক মহলে মত প্ৰকাশ কৰে৷
Breaking
- গুৱাহাটী স্মাৰ্ট চিটী প্ৰকল্প পৰ্যবসিত হৈছে খীৰতী গাইলৈ। ছ বছৰত ৩৬৪ কোটি ব্যয় কৰাৰ পিছতো প্ৰতিফলিত হোৱা নাই উন্নয়নৰ ছবি
- কৃতি চাননৰ ৩২ তম জন্মদিনত সুশান্তৰ সৈতে ৰোমান্টিক ফটো চাওক। আৱেগিক হৈ পৰিল কৃতি চানন
- চৰাইবাহী বৰভগীয়াত ড্ৰাগচ বিৰোধী অভিযানত মিকিৰভেটা আৰক্ষীৰ বৃহৎ সফলতা
- অত্যাৱশ্যকীয় সামগ্ৰীৰ মূল্য বৃদ্ধিৰ বিৰুদ্ধে গোলাঘাট মহকুমা ছাত্ৰ সন্থাৰ উত্তাল প্ৰতিবাদ
- ৰঙাপৰা উচ্চতৰ মাধ্যমিক বিদ্যালয়ত প্ৰাক্তন শিক্ষাৰ্থী সন্মিলন…
- ভূপেন বৰাক ষড়যন্ত্ৰকাৰী আখ্যা দিলে আপ, অসমৰ সভাপতি ডাঃ ভবেন চৌধুৰীয়ে, ভূপেন বৰাৰ বাবেই অসমত INDIA ALLIANCE বা বিৰোধী ঐক্য ব্যৰ্থ হোৱাৰ অভিযোগ
- দৰং কেঞ্চাৰ কেন্দ্ৰৰ দ্বিতীয় বৰ্ষপূৰ্তি পালন…
- সংখ্যালঘু ৰাইজ এইবাৰ বিজেপিৰ পিনে ঢাল খাইছে, প্ৰাৰ্থী ফণীভূষন চৌধুৰীক লগতলৈ অগপ সভাপতি অতুল বৰাসহ মন্ত্ৰী জয়ন্ত মল্ল বৰুৱাৰ বিশাল বাইক ৰেলি…
- শিক্ষাৰ্থীক সম্বৰ্ধনা, কৃতী শিক্ষাৰ্থীৰ বহু কেইজন আদৰ্শ শিক্ষক হোৱাৰ লগতে সমাজ সেৱা কৰাৰ সপোন…
- Tickets GO LIVE for Rajasthan Royals’ home match against KKR in Guwahati…
- ভোটদানক উৎসৱ হিচাপে গ্ৰহণ কৰকঃ যুৱ প্ৰজন্মৰ প্ৰতি আহ্বান কামৰূপ মহানগৰ জিলা আয়ুক্ত সুমিত সাত্তাৱনৰ, ভোটদানৰ সজাগতাৰ লক্ষ্যৰে মহানগৰীত চাইকেল ৰেলী…
- উবেৰ কাপৰ কোৱাৰ্টাৰ ফাইনেলত ভাৰত, থমাছ কাপতো জয়ৰে অভিযান ডিফেণ্ডিং চেম্পিয়নৰ; ছিংগাপুৰৰ বিৰুদ্ধে স্তদ্ধ অস্মিতা, ঈশাৰাণীৰ জয়যাত্ৰা
- কাৰ্যবাহী অভিযন্তা ছলেমান আলীক দৈনন্দিন বাৰ্তা গোষ্ঠীৰ সম্বৰ্ধনা…
- গাৰু অবিহনে শোৱে নে? গাৰু নোলোৱাকৈ কিয় শুব লাগে, ৪টা ডাঙৰ উপকাৰ জানি লওক…