মঙলদৈত অৰ্ধশতাধিক মন্দিৰৰ পুৰোহিতৰ কাষত যুৱ নেতা পিংকু দাস : আগবাঢ়ালে মাস্ক, খাদ্য-সামগ্ৰী

মঙলদৈ

মাৰাত্মক ক’ৰোনা ভাইৰাছৰ সংক্ৰমণ প্ৰতিৰোধৰ বাবে সমগ্ৰ দেশৰ লগতে অসমতো কিছু শিথিলতাৰ মাজত তৃতীয় পৰ্যায়ৰ লকডাউন চলি আছে। এই লকডাউনৰ সময়তে মঙলদৈৰ প্ৰায় অৰ্ধশতাধিক মন্দিৰৰ পুৰোহিতলৈ সহায়ৰ হাত আগবঢ়ালে মঙলদৈৰ যুৱ নেতা তথা অনুসুচিত জাতি পৰিষদৰ দৰং জিলা সমিতিৰ সভাপতি পিংকু মণি দাসে। তেওঁ দেওবাৰে মঙলদৈ সনাতন ধৰ্মসভা বাকৰিত সামাজিক দূৰত্ব মানি পুৰোহিত সকলক মাস্ক আৰু খাদ্য-সামগ্ৰী বিতৰণ কৰে। সাম্প্ৰতিক ক’ৰোনা মহামাৰীৰ এই দুৰ্যোগৰ সময়ত পুৰোহিতসকলৰ সমস্যা তথা বিভিন্ন অসুবিধাৰ কথা কোনেও এবাৰ চিন্তা নকৰে। পুৰোহিতসকলৰ অধিকাংশৰেই আৰ্থিক অৱস্থা স্বচ্ছল নহয়। তথাপিও ইয়াৰ মাজতেই অব্যাহত ৰাখিছে নিজ নিজ কৰ্ম কৰ্ম। এনে পৰিস্থিতিৰ মাজতে পুৰোহিতসকলক কিছু সকাহ দিয়াৰ মহান উদ্দেশ্যৰে আগবাঢ়ি আহিল অনুসূচিত জাতি পৰিষদৰ কেন্দ্ৰীয় সমিতিৰ নেতা তথা দৰং জিলা সমিতিৰো সভাপতি পিংকু মণি দাস। তেওঁ মঙলদৈ চহৰৰ নৱগ্ৰহ মন্দিৰ, শিৱ মন্দিৰ, বিষ্ণু মন্দিৰ, ৰাম জানকী মন্দিৰ, গনেশ মন্দিৰ, ৰাধাকৃষ্ণ মন্দিৰ, শ্মশান কালি মন্দিৰ, লোকনাথ বাবা মন্দিৰ, ৰাধা কৃষ্ণ মন্দিৰ, গণেশ মন্দিৰ (ভেবাৰঘাট)সহ অৰ্ধশতাধিক মন্দিৰৰ পুৰোহিতক সহায়ৰ হাত আগবঢ়ায়। উল্লেখযোগ্য যে তেওঁ প্ৰথম আৰু দ্বিতীয় পৰ্যায়ৰ লকডাউনৰ সময়তো মঙলদৈ বিধানসভা সমষ্টিৰ পাঁচ শতাধিক দুখীয়া পৰিয়াললৈ খাদ্য সামগ্ৰী আগবঢ়াইছিল। আজি কাৰ্যসূচীত তেওঁক সহযোগ কৰে পশ্চিম মঙলদৈ বিজেপি যুৱ মৰ্চাৰ সভাপতি ৰূপম কাশ্যপ, বিজেপি নেতা হিতেশ শৰ্মা, পংকজ মহন্তই। ইপিনে যুৱ নেতা পিংকু দাসৰ এই উদ্যোগক মঙলদৈৰ ধৰ্মপ্ৰাণ সকলোৱে আদৰণি জনাইছে।