৩৭ কোটি টকাৰে বান্দ্ৰাত নতুন ঘৰ ক্ৰয় আলিয়া ভাটে, ভগ্নী শ্বাহীনক দুটা ফ্লেট উপহাৰ…। যোৱা বছৰৰ নৱেম্বৰ মাহত আদৰণি জনোৱা কন্যা ৰাহা কাপুৰৰ সৈতে আলিয়া ভাটে শেহতীয়াকৈ নিজৰ ধনেৰে কাপুৰ বাংলোৰ ওচৰতে বান্দ্ৰাৰ প্লাছ পালি হিল লোকেলিটিত ৩৭.৮০ কোটি টকাত ২৪৯৭ বৰ্গফুটৰ এপাৰ্টমেণ্ট ক্ৰয় কৰিছিল ‘ব্ৰাহ্মাষ্ট্ৰ’ অভিনেতাগৰাকীয়ে। সেইদিনা ভগ্নী শ্বাহীনক জুহুৰ ফ্লেট এটাও উপহাৰ দিছিল।
ক্ৰয় কৰা এপাৰ্টমেণ্টটো ২,৪৯৭ বৰ্গফুটত বিস্তৃত আৰু ই এৰিয়াল ভিউ সমবায় হাউছিং ছ’চাইটি লিমিটেডত অৱস্থিত। গোল্ড ষ্ট্ৰীট মাৰ্কেন্টাইল কোম্পানী প্ৰাইভেট লিমিটেডৰ পৰা ক্ৰয় কৰা এই ঘৰটো ২০২৩ চনৰ ১০ এপ্ৰিলত পঞ্জীয়ন কৰা হৈছিল আৰু ২.২৬ কোটি টকাৰ ষ্টাম্প ডিউটি আদায় দিয়া হৈছিল। প্ৰতিবেদনত উল্লেখ কৰা হৈছে যে আলিয়াই প্ৰাইজ চাৰ্টিফিকেটৰ জৰিয়তে ভগ্নী শ্বাহীনক দুটা ঘৰ উপহাৰ দিছিল।
সোমবাৰে নিশা অভিনেত্ৰী গৰাকীক মুম্বাই বিমানবন্দৰত চহৰৰ পৰা জেট বিমানেৰে ওলাই যোৱাৰ সময়ত পেপছৰ চকুত পৰে। আলিয়াই বিনা মেকআপ আৰু কেজুৱেল ৱেৰ পিন্ধিছিল আৰু তেওঁৰ সৈতে আছিল তেওঁৰ ভগ্নী শ্বাহীন।