প্ৰতি বছৰৰ দৰে এইবাৰো ৰাজ্যৰ বিভিন্ন প্ৰান্তৰ লগতে বজালী জিলাৰ বৰভালুকী(ভৰালীপাৰা)বাসী ৰাইজৰ উদ্যোগত আঞ্চলিক ৰাইজৰ সহায়- সহযোগত (২৮ অক্টোবৰৰ পৰা ১ অক্টোবৰলৈ) ঐতিয্যমণ্ডিত লক্ষ্মী মন্দিৰ প্ৰাংগণত ৫ দিনীয়া বৰ্ণাধ্য কাৰ্যসূচীৰে ৮৪ সংখ্যক শ্ৰী শ্ৰী লক্ষ্মী পূজা মহোৎসৱৰ আয়োজন কৰা হৈছিল। শিক্ষাবিদ, সাহিত্যিক পেঞ্চনাৰ মুনিন্দ্ৰ নাৰায়ণ গোস্বামীয়ে পূজাৰ মুখ্য দ্বাৰ মুকলি কৰে। ইয়াৰ পিছতে অনুষ্ঠিত এক সম্বৰ্ধনা অনুষ্ঠানত গাঁওখনৰ কেইবাজনো বয়োজ্যেষ্ঠ লোকৰ উপৰি মেধাবী ছাত্র ছাত্ৰীক সম্বৰ্ধনা জনোৱা হয়।
পূজাৰ লগত সংগতি ৰাখি ধৰ্মীয় কাৰ্যসূচীৰ উপৰি স্থানীয় আয়তিৰ দ্বাৰা নাম পৰিবেশন, পতাকা উত্তোলন ,কাৰ্যালয় উদ্বোধন,স্মৃতি তৰ্পণ, গছপুলি ৰোপণ,চিত্ৰাংকণ প্ৰতিযোগিতা,কুইজ প্ৰতিযোগিতা , ভেশসন প্ৰতিযোগিতা, নাগাৰা নাম পৰিবেশন, ভোগ বিতৰণ , নটৰাজ এমেচাৰ গ্ৰুপৰ দ্বাৰা নাট প্ৰদৰ্শন, একক নৃত্য প্ৰতিযোগিতা আদিৰ লগতে বিভিন্ন কাৰ্যসূচী সুকলমে সম্পন্ন হৈ যায় ।
লগতে সাংস্কৃতিক সন্ধিয়াৰ বিশেষ আকর্ষণৰূপে গীত পৰিবেশন কৰে জনপ্ৰিয় কণ্ঠশিল্পী ময়ুৰী শইকীয়া, জিয়ান জোনাক আৰু অপৰ্ণা ৰয়ে।সাংস্কৃতিক সন্ধিয়া উদ্বোধন কৰে স্থানীয় বিধায়ক তথা জ্যেষ্ঠ কেবিনেট মন্ত্ৰী শ্ৰী ৰঞ্জিত কুমাৰ দাসে। লক্ষ্মী পূজাৰ প্ৰতিটো কাৰ্যসূচীতে ভক্তপ্ৰাণ ৰাইজৰ উপস্থিতি তথা সহায় সহযোগিতাৰ বাবে সকলোকে ধন্যবাদ জনায় লক্ষ্মী পূজা পৰিচালনা সমিতিৰ সভাপতি হেমন্ত ভৰালী আৰু সম্পাদক তপেন্দ্ৰ ভৰালীয়ে।
