মিচিং স্বায়ত্তশাসিত পৰিষদৰ ১২ নং চিচি সমষ্টিত গাওঁ সভাঃ ২০২৪-২৫ বিত্তীয় বৰ্ষৰ আঁচনি গ্ৰহন।
মিচিং স্বায়ত্তশাসিত পৰিষদৰ ২০২৪-২৫ বিত্তীয় বৰ্ষৰ আঁচনি গ্ৰহণৰ বাবে ১২ নং চিচি সমষ্টিৰ আমগুৰি ডাম্বুক এল পি স্কুলত এখন গাওঁ সভা অনুষ্ঠিত হৈ যায়। সন্মিলিত গণশক্তি অসম দলৰ মধ্য চিচিটঙানী আঞ্চলিক সমিতিৰ সভাপতি নেহেৰু কুম্বাংৰ সভাপতিত্বত হোৱাৰ উদ্দেশ্য ব্যাখ্যা কৰে পৰিষদীয় সমষ্টিৰ কাৰ্যবাহী সদস্য জহান দলে।
বিগত বিত্তীয় বৰ্ষ সমূ্হত মিচিং স্বায়ত্বশাসিত পৰিষদে ৰূপায়ন কৰা আঁচনি সমূহৰ বিষয়ে আলোকপাত কৰি মিচিং স্বায়ত্তশাসিত পৰিষদে শিক্ষা,যতায়ত, গৰাখহনীয়া, জীৱন-জীৱিকা, মেধাৱী ছাত্র-ছাত্ৰী, উচ্চ শিক্ষা, লোকসেৱা আয়োগত প্ৰাৰম্ভিক পৰীক্ষাত উত্তীৰ্ণ ছাত্ৰ ছাত্ৰীক এককালীন সাৰ্হায্য প্ৰদান কৰা, দুৰাৰোগ্য ৰোগত আক্ৰান্ত,
প্ৰাকৃতিক দুৰ্যোগত আক্ৰান্ত পৰিয়ালক এককালীন অৰ্থ সাহায্য প্ৰদান কৰা আদি ক্ষেত্ৰত লোৱা পদক্ষেপ সন্দৰ্ভত আলোচনাৰ লগতে ২০২৪-২৫ বিত্তীয় বৰ্ষত শিক্ষা, ক্ৰীড়া আৰু জীৱন-জীৱিকা আঁচনি গ্ৰহণত গাওঁ সভাই অধিক গুৰুত্ব প্ৰদান কৰিবলৈ আহ্বান জনায়। সভাত মিচিং স্বায়ত্তশাসিত পৰিষদৰ ১২ নং চিচি পৰিষদীয় সমষ্টিত ২০২৪-২০২৫ বিত্তীয় বৰ্ষৰ বাবে উন্নয়নৰ আঁচনি গ্ৰহণ কৰাৰ লগতে হিতাধিকাৰীৰ তালিকা প্ৰস্তুত কৰা হয়।
সভাত সন্মিলিত গণশক্তি দলৰ চিচিবৰগাওঁ ব্লকৰ সভাপতি দেৱকান্ত পেগু, কাৰ্যকৰী সভাপতি ৰমা বৰুৱা, সম্পাদক নিলমনী দলে, মধ্য চিচিটঙানী গাওঁ পঞ্চায়তৰ আঞ্চলিক পঞ্চায়ত সদস্যা ফুলেমা পাইত কেধৰি গণশক্তি দলৰ বিভিন্ন কৰ্মকৰ্তাৰ লগতে তিনি শতাধিক ৰাইজ উপস্থিত থাকে।
শম্ভু দাস চিলাপথাৰ
ধেমাজি
