বকতা, ২৬ নৱেম্বৰ : শিৱসাগৰ জিলাৰ ডিমৌ ৰাজহ চক্ৰৰ অন্তৰ্গত বকতা আৰু ইয়াৰ সমীপস্হ এক বৃহৎ এলেকাত একাংশ ভূ- মাফিয়াৰ অবৈধ মাটি খননৰ যোগেদি সহজ ধন ঘটাৰ আহিলাত পৰিণত হৈছে অঞ্চলটোৰ কৃষি উপযোগী ভি জি আৰ আৰু নৈ পৰীয়া আবাদী ভূমিসমূহ। জানিব পৰা মতে বকতা আৰু ডিমৌ আৰক্ষী থানাৰ অন্তৰ্গত কৃষ্ণবিহাৰী দিৰৈ নৈৰ কাষৰীয়া বিস্তীৰ্ণ আবাদী ভূমিত প্ৰতি বছৰে খৰালি আগমণৰ লগে লগে একাংশ ভূ মাফিয়াই ডাম্পাৰ জেচিবি লৈ অবৈধ মাটি খনন কাৰ্য আৰম্ভ কৰি আহিছে। এই বছৰো খৰালিৰ লগে লগে উক্ত ভূ মাফিয়া চক্ৰটোৱে বকতাৰ বাখৰবেঙেনা পঞ্চায়তৰ খামোন গাঁৱত থকা ভিজিআৰটোত ব্যাপক মাটি খনন চলোৱাৰ উপৰি কৃষ্ণবিহাৰী বকতা-ডিমৌ সংযোগী দিৰৈ দলঙৰ নিচেই কাষতে থকা ভূমি ভাগত বহুসংখ্যক ডাম্পাৰ আৰু জেচিবিৰে মাটি খনন কাৰ্য আৰম্ভ কৰিছে। বাখৰবেঙেনা পঞ্চায়তৰ উক্ত ভূমিভাগত মাটি খনন চলোৱাৰ ফলত বৃহৎ দ পুখুৰীৰ সৃষ্টি হৈ স্হানীয় গাঁওবাসীৰ পশুধনৰ চৰণীয়া পথাৰৰ পৰিৱেশ ধ্বংস হোৱাৰ উপৰি কৃষিভূমিৰ ভৱিষ্যতৰ সম্ভাৱনা সমূলঞ্চে নাইকিয়া হৈছে। আনহাতে বকতাত প্ৰতি বছৰে বানৰ তাণ্ডৱ চলোৱা দিৰৈ নৈৰ নিচেই কাষতে মাটি খনন কাৰ্য চলোৱাত নৈৰ স্বাভাৱিক গতিত বিৰূপ প্ৰভাৱ, খহনীয়া আদি বৃদ্ধি হোৱাত অৰিহণা যোগোৱাৰ লগতে দিৰৈ নদীৰ গুৰুত্বপূৰ্ণ পকী দলঙৰ ভৱিষ্যতৰ প্ৰতিও অশনি সংকেত কঢ়িয়াই আনিছে। নৈপৰীয়া আবাদী ভূমিভাগ আৰু গ্ৰামাঞ্চলৰ ভিজিআৰসমূহে প্ৰাকৃতিক পৰিৱেশ আৰু পাৰিপাৰ্শ্বিকতা ধৰি ৰখাত সহায়ক হোৱাৰ সম্ভাৱনাও এনে অবৈধ মাটি খননৰ যোগেদি নষ্ট কৰা হৈছে।আনহাতে উক্ত অবৈধ মাটি খননত জড়িত চক্ৰটোৱে ব্যৱহাৰ কৰা বাহনসমূহৰ লগতে একাংশ চালকৰ পৰিবহন বিভাগৰ অনুমোদিত অনুজ্ঞাপত্ৰ নথকাৰ কথা জানিব পৰা গৈছে। তাৎপৰ্যপূৰ্ণ কথাটো হ’ল এই অবৈধ মাটি খনন কাৰ্যৰ অন্তৰালত চৰকাৰৰ বন বিভাগ, চক্ৰ বিষয়া কাৰ্যালয়ৰ একাংশ অৰ্থ লুলুপ কৰ্মচাৰী, আৰক্ষীৰ নেতিবাচক ভূমিকা জড়িত হৈ থকাতো। বিশেষভাৱে বন বিভাগৰ শিৱসাগৰ সংমণ্ডলৰ সম্পূৰ্ণ জ্ঞাতসাৰেই বকতা আৰু কৃষ্ণবিহাৰীৰ এলেকাত ভূ মাফিয়াই অবৈধ মাটি খননৰ এক অঘোষিত প্ৰতিযোগিতা চলোৱাৰ অভিযোগ উঠিছে।
Breaking
- গুৱাহাটী স্মাৰ্ট চিটী প্ৰকল্প পৰ্যবসিত হৈছে খীৰতী গাইলৈ। ছ বছৰত ৩৬৪ কোটি ব্যয় কৰাৰ পিছতো প্ৰতিফলিত হোৱা নাই উন্নয়নৰ ছবি
- কৃতি চাননৰ ৩২ তম জন্মদিনত সুশান্তৰ সৈতে ৰোমান্টিক ফটো চাওক। আৱেগিক হৈ পৰিল কৃতি চানন
- চৰাইবাহী বৰভগীয়াত ড্ৰাগচ বিৰোধী অভিযানত মিকিৰভেটা আৰক্ষীৰ বৃহৎ সফলতা
- অত্যাৱশ্যকীয় সামগ্ৰীৰ মূল্য বৃদ্ধিৰ বিৰুদ্ধে গোলাঘাট মহকুমা ছাত্ৰ সন্থাৰ উত্তাল প্ৰতিবাদ
- লাহৰীঘাট চিনিয়ৰ চেকেণ্ডাৰী ইংলিচ স্কুলৰ শনিবৰীয়া ক্লাৱ ! কণ কণ সকলৰ নৃত্যই মন মুহিত কৰিলে অভিভাবক সকলৰ মন…
- নিৰ্বাচনৰ মাজতে আনুষ্ঠানিকভাৱে বিজেপিত যোগদান অৰবিন্দ সিং লাভলীৰ…
- চামগুৰিৰ ৰঙাগড়াত পথ দুৰ্ঘটনাত নিহত এজন ব্য়ক্তি…
- বিচাৰকৰ সংজ্ঞা কোনে নিৰ্ধাৰণ কৰিব…
- লোকসভা নিৰ্বাচন, ২০২৪ৰ বাবে ৰাজনৈতিক দলসমূহৰ কুচ-কাৱাজ…
- অসমীয়া শিশু সাহিত্য আৰু নৱকান্ত বৰুৱা…
- পানী খোৱাৰ নিয়ম জানেনে? খাদ্য খোৱাৰ পূৰ্বে, খোৱাৰ সময়ত নে একেবাৰে শেষত, কেতিয়া পানী খাব লাগে জানি লওক…
- গ্ৰীষ্মকালত এই ৫ বিধ শাক-পাচলি কিনিবলৈ নাপাহৰিব, শৰীৰ ঠাণ্ডা ৰখাৰ লগতে পেটৰ বিষ কমায়…
- তামাৰহাটত দুৰ্ঘটনাত যুৱকৰ মৃত্যুক লৈ অব্যাহত চেপা উত্তেজনা ! ২৪ ঘণ্টাৰ বাবে বন্ধ হৈ পৰিল তামাৰহাট-হাতীধুৰা বজাৰ…
- কংগ্ৰেছ নেতা সঞ্জয় নিৰুপমৰ শিৱসেনাত যোগদান…