কামৰূপ জিলাৰ বকো সমষ্টিৰ অন্তৰ্গত ডেকাচাং আঞ্চলিক বজাৰত আজি নিশা প্ৰায় ৩-৩০ বজাত ভয়ংকৰ অগ্নিকাণ্ডৰ ঘটনা সংঘটিত হয়৷ জানিব পৰামতে ভয়াৱহ অগ্নিকাণ্ডত হাফিজুৰ ৰহমানৰ, আতোৱাৰ ৰহমান, আয়ুব আলী, ইউছুব আলী, আকবৰ আলী, আবু নছিব, মহিদুল ইছলামসহ ১৫খন দোকান ভস্মীভূত হয়৷
অগ্নিকাণ্ডত প্ৰায় এক কোটি টকাৰ সা-সামগ্ৰী ভস্মীভূত হয়৷ অৱশ্যে স্থানীয় ৰাইজে জুই নুমাবলৈ সক্ষম হয় যদিও বহু সময় পলম কৰি অগ্নি নিৰ্বাপক বাহিনী গৈ উপস্থিত হয়৷ ইপিনে সোণতলী আৰক্ষী ঘটনাস্থলীত উপস্থিত হৈ তদন্ত অব্যাহত ৰখা বুলি জানিব পৰা গৈছে।
জুইত ক্ষতিগ্ৰস্ত লোকক সহায় কৰিবলৈ স্থানীয় ৰাইজ তথা ব্যৱসায়ীসকলে মুখ্যমন্ত্ৰী হিমন্তবিশ্ব শৰ্মাৰ ওচৰত আহ্বান জনোৱাৰ লগতে দিনৰ ভাগত বকো সমষ্টিৰ বিধায়িকা নন্দিতা দাসৰ গিৰিয়েকে উপস্থিত হৈ পৰিস্থিতিৰ বুজ লয়৷
-ৰেজাউল কবিৰ