বিশ্বকৰ্মা পূজালৈ মাজত মাত্ৰ তিনিটা দিন। বিশ্ব খনিকৰৰ প্ৰতিমা নিৰ্মাণত ব্যস্ত হৈ পৰিছে ৰাজ্যৰ মৃৎ শিল্পী সকল।ৰাজ্যৰ ভিন্ন প্ৰান্তৰ লগতে মুকালমুৱাৰ কালদিতো বিশ্বকৰ্মাৰ মৃন্ময় মূৰ্তি প্ৰস্তুত কৰাত ব্যস্ত হৈ পৰিছে এজন যুৱ মৃৎ শিল্পী। কালদিৰ ৰুবুল ৰাজবংশী নামৰ যুৱকজন ব্যস্ত হৈ পৰিছে বিশ্বকৰ্মাৰ প্ৰতিমা নিৰ্মাণত। বিশ্বকৰ্মাৰ লগতে নিৰ্মাণ কৰি আছে দূৰ্গা, গনেশ, লক্ষ্মীৰ প্ৰতিমা।
অঞ্চলটোৰ বিভিন্ন প্ৰান্তৰ লোকসকলে যুৱকজনৰ পৰা ক্ৰয় কৰিবলৈ আহে মৃন্ময় মূৰ্তি। প্ৰতিমা সমূহৰ আকাৰ অনুসৰি এইবাৰ ৮০০ টকাৰ পৰা ৮০০০ টকা দামৰ প্ৰতিমা নিৰ্মাণ কৰিছে যুৱকজনে। উল্লেখযোগ্য যে মৃন্ময় মূৰ্তি নিৰ্মাণত ব্যৱহাৰ হোৱা বিভিন্ন সামগ্ৰীৰ মূল্য বৃদ্ধি হোৱা বাবে এইবাৰ মৃন্ময় মূৰ্তি সমূহৰো দাম বৃদ্ধি হোৱা বুলি কয় মৃৎ শিল্পী গৰাকীয়ে। শিক্ষিত যুৱকজনে ঘৰতে এনে বহি নাথাকি মৃৎ শিল্পৰ লগত জড়িত হৈ স্বাৱলম্বী হোৱাৰ চেষ্টা কৰিছে।
