শিৱসাগৰত আম আদমি পাৰ্টিৰ শিৱসাগৰ জিলা সমিতিৰ প্ৰতিবাদ।শিৱসাগৰ জিলা উপায়ুক্ত কাৰ্যালয়ৰ সমুখত এক অৱস্থান ধৰ্মঘট কাৰ্যসূচী ৰূপায়ণ কৰি আপে অসম চৰকাৰৰ লগতে মুখ্যমন্ত্ৰী হিমন্ত বিশ্ব শৰ্মাক তীব্ৰ সমালোচনা কৰে।শিক্ষকে জীৱন বীমাৰ এজেণ্টৰূপে কাম কৰিব নোৱাৰিব বুলি চৰকাৰে পোষণ কৰা মতক সমালোচনা কৰি আপে কয় যে যি সময়ত আইআৰডিয়ে তেনে কোনো নিৰ্দেশনা দিয়া নাই তেন্তে চৰকাৰে এই ক্ষেত্ৰত শিক্ষক সকলৰ মাজত এক ভয়ৰ পৰিৱেশ সৃষ্টি কৰিব বিচাৰিছে নেকি বুলিও প্ৰশ্ন উত্থাপন কৰে।আনহাতে ইত্যাদি ব্যাপক চৰ্চা হৈ থকা পিপিই কিট কেলেংকাৰীৰ এক উচ্চস্তৰীয় তদন্ত কৰাৰ লগতে মুখ্যমন্ত্ৰী শৰ্মাক এই সন্দৰ্ভত নিজৰ স্থিতি মুকলি কৰিবলৈ আহবান জনায়।
সেইদৰে ডলু চাহ বাগানৰ উচ্ছেদক লৈও সৰৱ হৈ পৰে আম আদমি পাৰ্টিৰ শিৱসাগৰ জিলা সমিতি।কেন্দ্ৰীয় অসামৰিক বিমান বিভাগে সেউজ বিমান বন্দৰ নিৰ্মাণৰ বাবে অসম চৰকাৰৰ পৰা কোনো আৱেদন লাভ কৰা নাই বুলি স্পষ্ট কৰি দিয়াৰ পাছত কি কাৰণত ডলু চাহ বাগিচাৰ বৃহৎ ভূমিত উচ্ছেদ চলোৱা হ’ল এই প্ৰশ্নৰ উত্তৰ বিচাৰে আপ দলে।এই বিষয়বোৰৰ সন্দৰ্ভত ৰাজ্যপাললৈ এক স্মাৰক পত্ৰ প্ৰেৰণ কৰাৰ লগতে এই সমূহ বিষয়ক লৈ দলৰ তৰফৰ পৰা এক এজেহাৰ দাখিল কৰা বুলিও দলীয় বিষয়ববীয়াই সদৰী কৰে।
