বঙাইগাঁৱত আছুই দাহ কৰিলে নাগৰিকত্ব সংশোধনী আইনৰ প্ৰতিলিপি

সদৌ অসম ছাত্ৰ সন্থাৰ আহ্বানমৰ্মে আজি বঙাইগাঁও আঞ্চলিক ছাত্ৰ সন্থাইও জাতিধ্বংসী নাগৰিকত্ব সংশোধনী আইনৰ প্ৰতিলিপি দাহ কৰাৰ লগতে ৰাজহুৱা স্থানত ক’লা পতকা উত্তোলন কৰি প্ৰতিবাদ সাব্যস্ত কৰে ৷ আছুকৰ্মীয়ে বঙাইগাঁও জিলা ছাত্ৰ সন্থাৰ মুখ্য কাৰ্যালয় ছহিদ ভৱনৰ সন্মুখত নাগৰিকত্ব সংশোধনী আইনৰ প্ৰতিলিপি দাহ কৰাৰ লগতে বিভিন্ন শ্ল’গানো দিয়ে ৷ আনহাতে বঙাইগাঁও চহৰৰ বীৰ চিলাৰায় উৰণীয়া সেতুত সংগঠনটোৰ কৰ্মীয়ে ক’লা পতাকা উৰুৱাই প্ৰতিবাদ সাব্যস্ত কৰে ৷ অৱশ্যে পিচত আৰক্ষীয়ে ক’লা পতাকাখন খুলি লৈ যায় ৷