অক্ষয় কুমাৰৰ ৫৬ সংখ্যক জন্মদিনটো অতি বিশেষ ধৰণেৰে উদযাপন কৰা হৈছে। পৰিয়ালৰ সৈতে মহাকাল মন্দিৰত উপস্থিত হয় অভিনেতাগৰাকী, য’ৰ পৰা তেওঁৰ ছবি আৰু ভিডিঅ’সমূহ ছ’চিয়েল মিডিয়াত ভাইৰেল হৈ পৰিছে। জন্মদিন উপলক্ষে গ্লেমাৰ জগতৰ কোলাহল আৰু পাৰ্টিৰ পৰা আঁতৰি মহাকাল মন্দিৰত উপস্থিত হয় ছুপাৰষ্টাৰগৰাকী। য’ৰ পৰা অভিনেতাজনৰ এটা ভিডিঅ’ ছচিয়েল মিডিয়াত ভাইৰেল হৈছে। ভিডিঅ’টোত অক্ষয় কুমাৰ (Akshay Kumar Movies) মহাকালৰ ভিতৰত বহি থকা দেখা গৈছে। অক্ষয় কুমাৰৰ লগতে তেওঁৰ পৰিয়াল আৰু ক্ৰিকেটাৰ শিখৰ ধাৱানকো ভগৱান শিৱৰ ভক্তিত নিমগ্ন হোৱা প্ৰায়ে দেখা যায়।
![](https://www.dainandinbartagroup.in/wp-content/uploads/2023/09/7777-1.png)
অক্ষয় কুমাৰ ভগ্নীৰ লগতে তেওঁৰ ভগ্নী, পুত্ৰ আৰাভ আৰু ক্ৰিকেটাৰ শিখৰ ধাৱনেও মহাকালৰ আৰতিত অংশগ্ৰহণ কৰে। খবৰ অনুসৰি মহাকালৰ দৰ্শন কৰাৰ পিছত অভিনেতা আৰু ক্ৰিকেটাৰ দুয়োজনে সংবাদ মাধ্যমৰ সৈতেও বাৰ্তালাপ কৰে, য’ত অক্ষয় কুমাৰে কয় যে তেওঁ দেশৰ প্ৰগতিৰ বাবে প্ৰাৰ্থনা কৰিছে। পূজাত শিখৰ ধাৱনে ভাৰতীয় দলৰ জয়ৰ কামনা কৰে।