অনন্যা পাণ্ডেৰ জন্মদিনঃ পঢ়া-শুনাৰ মাজভাগতে ত্যাগ কৰি বলীউডত ভৰি দিয়া অভিনেত্ৰী অনন্যা পাণ্ডেয়ে ৩০ অক্টোবৰত ২৫ সংখ্যক জন্মদিন উদযাপন কৰিলে। অনন্যা পাণ্ডেৰ ফটো আৰু ভিডিঅ’ প্ৰায়ে ছ’চিয়েল মিডিয়াত প্ৰায়ে ভাইৰেল হৈ পৰে। কিন্তু আপুনি জানেনে যে কৰণ জোহৰৰ ষ্টুডেণ্ট অৱ দ্য ইয়েৰ ২ লৈ বলীউডত প্ৰৱেশ কৰা অনন্যা পাণ্ডে এসময়ত পঢ়া-শুনা মাজ বাটতে এৰিছিল ছবিৰ বাবে। মনোৰঞ্জনৰ বাতৰি অনুসৰি অনন্যা পাণ্ডেই মুম্বাইৰ ধীৰুভাই আম্বানী ইণ্টাৰনেশ্যনেল স্কুলৰ পৰা অধ্যয়ন কৰিছে। স্কুলীয়া শিক্ষাৰ পিছত অনন্যা পাণ্ডেই লছ এঞ্জেলছত অৱস্থিত কেলিফৰ্ণিয়া বিশ্ববিদ্যালয়ৰ পৰা স্নাতক ডিগ্ৰী লাভ কৰিছে। অনন্যা পাণ্ডেই স্নাতক হোৱাৰ পিছত পঢ়া-শুনা এৰি নিজৰ চলচ্চিত্ৰ কেৰিয়াৰত মনোনিৱেশ কৰিবলৈ আৰম্ভ কৰে। খবৰ অনুসৰি, ২০১৭ চনত পেৰিছত ভেনিটি ফেয়াৰৰ ‘লে বাল ডেছ ডিবিউটেণ্টছ’ অনুষ্ঠানত অংশগ্ৰহণ কৰিছিল অনন্যা পাণ্ডেই। তাৰ পিছত ২০১৯ চনত কৰণ জোহৰৰ ছবিৰে বলীউডত আত্মপ্ৰকাশ কৰে অনন্যাই।
কিছুদিনৰ পৰা অভিনেত্ৰী অনন্যা পাণ্ডেৰ সৈতে অভিনেতা আদিত্য ৰয় কাপুৰৰ প্ৰেমৰ সম্পৰ্ক আছে বুলি খবৰ ওলাইছিল। দীপাৱলী পাৰ্টি হওক বা বিদেশৰ ছুটী হওক অনন্যা আৰু আদিত্যক একেলগে দেখা যায়। অৱশ্যে তেওঁলোকৰ সম্পৰ্কক আনুষ্ঠানিকভাৱে প্ৰকাশ কৰা নাই।
অনন্যা পাণ্ডেৰ সম্পত্তিৰ পৰিমাণ প্ৰায় ৭২ কোটি টকা। এখন ছবিৰ বাবে অভিনেত্ৰীসকলে ২-৫ কোটি টকা লয়। অনন্যাই কেৱল ছবিৰ পৰাই নহয় বহু ব্ৰেণ্ডৰ এণ্ডাৰছমেণ্টৰ পৰাও বহুত উপাৰ্জন কৰে।