৭ বছৰ চেষ্টা কৰিও দ্বিতীয় সন্তানৰ মুখ নেদেখিলে অভিনেত্ৰী ৰাণী মুখাৰ্জীয়ে! কাৰণ প্ৰকাশ কৰিলে…

বলীউডৰ অভিনেত্ৰী ৰাণী মুখাৰ্জী আৰু পৰিচালক আদিত্য চোপ্ৰাক উদ্যোগটোৰ অন্যতম প্ৰিয় দম্পতী হিচাপে গণ্য কৰা হয়। দুয়োৰে বিয়া হোৱা বহুদিন হ’ল। দুয়োৰে এগৰাকী কন্যা আছে, কন্যাগৰাকীৰ নাম আদিৰা। ইফালে, শেহতীয়াকৈ দিয়া এক সাক্ষাৎকাৰত অভিনেত্ৰীগৰাকীয়ে ২০২৩ চনৰ ছবি ‘মিচেছ চেটাৰ্জী বনাম নৰৱে’ৰ বাবে চুক্তিবদ্ধ হোৱাৰ ঠিক আগতে, মহামাৰীৰ সময়ত হোৱা বেদনাদায়ক গৰ্ভপাতৰ বিষয়ে মুকলিকৈ প্ৰকাশ কৰে। লগতে কয় যে আদিৰাক ভাই বা ভনীয়েক দিব নোৱাৰাৰ বাবে বৰ দুখৰ কথা। লগতে ৰাণী মুখাৰ্জীয়ে কয়, ‘মই মোৰ দ্বিতীয় সন্তানৰ বাবে সাত বছৰ ধৰি চেষ্টা কৰিলোঁ। মোৰ ছোৱালীজনীৰ বয়স এতিয়া ৮ বছৰ। প্ৰথম সন্তান জন্মৰ কিছু দিনৰ পিছতে দ্বিতীয় সন্তানৰ বাবে চেষ্টা কৰিছিলোঁ। অৱশেষত মই গৰ্ভৱতী হ’লোঁ আৰু কিন্তু সন্তানটো হেৰুৱালোঁ।

অভিনেত্ৰীগৰাকীয়ে ক’লে, ‘মোৰ বাবে দুখৰ বিষয় যে মই মোৰ ছোৱালীক কোনো ভাই-ভনী দিব নোৱাৰিলো। এইটোৱে মোক সঁচাকৈয়ে আঘাত দিয়ে, কিন্তু এতিয়া মই ভাবো যে আমাৰ যি আছে আৰু যি নাই তাৰ বাবে আমি সদায় কৃতজ্ঞ হোৱা উচিত। মোৰ বাবে আদিৰা মোৰ অলৌকিক কেঁচুৱা আৰু মই সঁচাকৈয়ে সুখী যে মই তাইক পাইছো, কাৰণ মই এনেকুৱা পিতৃ-মাতৃক দেখিছো যিয়ে সন্তান জন্ম দিবলৈও সংগ্ৰাম কৰি আছে। ৰাণী আৰু আদিত্যৰ বিয়া ২০১৪ চনত হৈছিল।