হিন্দু ধৰ্মৰ প্ৰতি বলিউদৰ অভিনেত্ৰী ছাৰা আলী খানৰ বহু শ্ৰদ্ধা। শেহতীয়াকৈ বলিউদৰ অভিনেত্ৰীগৰাকীয়ে অমৰনাথ যাত্ৰাৰ এটা ভিডিঅ’ ইনষ্টাগ্ৰামত শ্বেয়াৰ কৰিছে। ভিডিঅ’টোত অভিনেত্ৰীগৰাকীয়ে হৰ হৰ মহাদেৱৰ ধ্বনিৰে বাবা বৰফনীৰ বাসগৃহত উপস্থিত হোৱা দেখা গৈছে। অভিনেত্ৰীগৰাকীয়ে প্ৰায়ে মন্দিৰ, মছজিদ আৰু গুৰুদ্বাৰলৈ আহে। এইবাৰ অভিনেত্ৰীগৰাকীয়ে বাবা বৰফনীৰ দৰবাৰত প্ৰণাম কৰিবলৈ উপস্থিত হয়। ইনষ্টাগ্ৰামত অনুৰাগীৰ সৈতে তেওঁৰ অমৰনাথ যাত্ৰাৰ এটা ভিডিঅ’ শ্বেয়াৰ কৰিছে ছাৰা আলী খানে। অমৰনাথ যাত্ৰাৰ ভিডিঅ’টোত অভিনেত্ৰীগৰাকীয়ে হাতত এডাল লাঠি লৈ খোজকাঢ়ি যোৱা দেখা গৈছে, কেৱল এয়াই নহয়, অমৰনাথৰ ভৈয়ামত উৎসাহেৰে হৰ হৰ মহাদেৱৰ গীত গাই ছাৰা আলী খানে।
কেদাৰনাথ, মহাকালৰ পিছত অভিনেত্ৰীগৰাকীয়ে অমৰনাথ ধাম ভ্ৰমণ কৰে। বাৰে বাৰে মন্দিৰলৈ গৈ তাৰ পৰা ফটো আৰু ভিডিঅ’ শ্বেয়াৰ কৰাৰ বাবে অভিনেত্ৰীগৰাকীক বহুতে ট্ৰ’ল কৰে। কিন্তু ট্ৰ’লিঙক আওকাণ কৰি প্ৰায়ে ভ্ৰমণ কৰিবলৈ মন্দিৰত উপস্থিত হয় অভিনেত্ৰীগৰাকী।