অসমত বসবাস কৰা আদিবাসী সকলৰ দীৰ্ঘদিনীয়া সমস্যাৰ পথ প্ৰশস্ত লক্ষ্যৰে কেন্দ্ৰীয় আৰু ৰাজ্য চৰকাৰৰ সৈতে ১৫ ছেপ্তেম্বৰত আদিবাসীৰ পাঁচটাকৈ সশস্ত্ৰ সংগঠনৰ সৈতে নতুন দিল্লীত অনুষ্ঠিত ত্ৰিপাক্ষিক বৈঠকত সম্পাদিত আদিবাসী শান্তি চুক্তিত স্বাক্ষৰকাৰী সকলক ১৬ ছেপ্তেম্বৰত ৰাতি শ্ৰীৰামপুৰত সম্বৰ্ধনা জ্ঞাপন কৰা হয়৷শ্ৰীৰামপুৰ অঞ্চলত শান্তি চুক্তি স্বাক্ষৰকাৰী নেতৃবৰ্গই শ্ৰীৰামপুৰত উপস্থিত হোৱাৰ লগে লগে চুক্তি স্বাক্ষৰকাৰী সকলক আদিবাসী জনগোষ্ঠীৰ পৰম্পৰা নৃত্য ,গীত প্ৰদশৰ্ন কৰি ভৰি ধোৱাই ,ফটকা ফুটাই আনন্দ উল্লাস কৰি আদৰণি জনায় ৷ ১৭ ছেপ্তেম্বৰত কচুগাঁও পাব্লিক হাই স্কুল খেলপথাৰত আবেলি তিনি বজাত কচুগাঁও অঞ্চলৰ ছাত্ৰ সমাজকে ধৰি আদিবাসী পূৰুষ- মহিলা ,আবাল ,বৃদ্ধ- বনিতা সকলে হিলদলভাঙি ওলাই আহি চুক্তি স্বাক্ষৰকাৰী সকলক আদিবাসী জনগোষ্ঠীৰ নিয়ম নীতি পালন কৰি সম্বৰ্ধনা জ্ঞাপন কৰে৷
অসমত বসবাস কৰা আদিবাসী সকলৰ প্ৰাপ্য অধিকাৰ সমূহ আদায় কৰাৰ লক্ষ্যৰে সশস্ত্ৰ সংগ্ৰামৰ পাতনি মেলি বহু ঘাত প্ৰতিঘাত প্ৰত্যাহ্বানৰ সন্মুখীন হৈ এজাক তেজাল যুৱকে সশস্ত্ৰ সংগ্ৰামত নামি পৰিছিল ৷শান্তি চুক্তি স্বাক্ষৰ কৰা আদিবাসী পাঁচটা বিদ্ৰোহী সংগঠন সমূহ ক্ৰমে আদিবাসী কোব্ৰা মিলিটাৰী অৱ আছাম ,চাঁওতাল টাইগাৰ ফৰ্চ, বিৰছা কমাণ্ডো ফৰ্চ ,আদিবাসী পিপলছ আৰ্মী, অল আদিবাসী নেচনেল লিবাৰেছন আৰ্মীয়ে ২০১২ চনৰ ২৪ জানুৱাৰীত অস্ত্ৰ সম্বৰণ কৰিছিল ৷তেতিয়াৰ পৰাই সংগঠনৰ বিষয়ববীয়া সকলে আদিবাসীৰ শান্তি আলোচনাৰ পক্ষত থিয় দিছিল ৷তেতিয়াৰ পৰাই আলোচনা ক্ৰমা গতিত আগবাঢ়ি যোৱা ১৫ ছেপ্তেম্বৰত নতুন দিল্লীত গৃহমন্ত্ৰী অমিত শ্বাহৰ উপস্থিতিত ভাৰত চৰকাৰ ,অসম চৰকাৰ আৰু আদিবাসী উগ্ৰপন্থীৰ পাঁচটাকৈ সংগঠন তিনিটা শাখা গোটৰ সৈতে এক ত্ৰিপাক্ষিক শান্তি চুক্তি স্বাক্ষৰ কৰে ৷আদিবাসীৰ দীৰ্ঘদিনীয়া সমস্যা সমূহৰ সমাধানৰ পথ প্ৰশস্ত হোৱাৰ নিমিওে ত্ৰিপাক্ষিক শান্তি চুক্তি হোৱাৰ খবৰ লাভ কৰাৰ লগে লগে গোসাইগাঁও মহকুমাৰ আদিবাসী অধ্যষিত অঞ্চলত ফটকা ,আতযবাজীয়ে ৰজনজনাই উঠে আৰু সমান্তৰালভাৱে এক উৎসৱমূখৰ পৰিৱেশৰ সৃষ্টি হয় ৷ত্ৰিপাক্ষিক শান্তি চুক্তিৰ সুবাদত আদিবাসী অঞ্চলত চুক্তি স্বাক্ষৰকাৰী সকলে পদাৰ্পণ কৰাৰ লগে লগে ফটকা ফুটাই আনন্দ উল্লাস কৰি আদৰণি জনোৱা পৰিলক্ষিত হৈছে ৷যোৱা কালি আদিবাসী বসতি প্ৰধান অঞ্চল কচুগাঁও ,কাশিয়াবাৰী ,গুমনা আদি এলেকাত চুক্তি স্বাক্ষৰকাৰী সকলক বিপুলভাৱে আদৰণি জনায়৷
চুক্তি স্বাক্ষৰকাৰী সকলক সম্বৰ্ধনা তথা আদৰণি অনুষ্ঠান সমূহত গৃহমন্ত্ৰী অমিত শ্বাহ জিন্দাবাদ , প্ৰধান মন্ত্ৰী নৰেন্দ্ৰ মোদী জিন্দাবাদ ,মুখ্যমন্ত্ৰী ড° হিমন্ত বিশ্ব শৰ্মা জিন্দাবাদ আৰু চুক্তি স্বাক্ষৰকাৰী সকলৰ উচ্চাৰণ কৰি জিন্দাবাদ ধ্বনি দিয়ে৷ চুক্তি স্বাক্ষৰকাৰী আকমাৰ অধ্যক্ষ অসীম হাসদাই সংবাদ মাধ্যৰ আগত কয় যে অসমৰ আদিবাসী সকলৰ বাবে এই ত্ৰিপাক্ষিক শান্তি চুক্তি দলিল হৈছে ৷এই দলিলে আদিবাসী সকলৰ উওৰণৰ দিশত এক ফলপ্ৰসূ সহায়ক হব ৷শান্তি চুক্তি আদিবাসী সকলৰ মূলদাবী জনজাতিকৰণ বিষয়টো প্ৰথম দফাত সন্নিৱিষ্ট হৈছে ৷অসমত বসবাস কৰা আদিবাসী সকলৰ বাবে এয়া এক ঐতিহাসিক চুক্তি ৷ দীৰ্ঘদিনৰ অন্তত আদিবাসী সকলৰ আৱেগ অনুভূতিক মান্যতা প্ৰদান কৰি বিজেপি চৰকাৰে আদিবাসীৰ সমস্যা সমূহ সমাধানৰ পদক্ষেপ লৈ শান্তি চুক্তি কৰিলে তাৰ বাবে ধন্যবাদ জ্ঞাপন কৰে ৷গৃহমন্ত্ৰী অমিত শ্বা্হ ,প্ৰধান মন্ত্ৰী নৰেন্দ্ৰ মোদী ,অসমৰ মুখ্য মন্ত্ৰী ড° হিমন্ত বিশ্ব শৰ্মা ,বি টি আৰ চীফ্ প্ৰমোদ বড়ো ,বি টি চিৰ প্ৰাক্তন মুখ্য কাৰ্যবাহী সদস্য হাগ্ৰামা মহিলাৰীক ধন্যবাদ জ্ঞাপন কৰে ৷এছ টি এফৰ অধ্যক্ষ পাৰ্ছিয়াচ হেম্ব্ৰম ,আপাৰ অধ্যক্ষ মণ্ডল হাসদাই বিজেপি চৰকাৰক ধন্যবাদ জ্ঞাপন কৰে ৷
