নগাঁৱৰ ছাত্ৰীৰ বিশ্ব অভিলেখ গঢ়াৰ প্ৰয়াস

0 1,195

নগাওঁ : নগাঁৱৰ পহুকটাৰ ছাত্ৰী তিতিক্ষা মধুকল্য যোগাসনৰ জৰিয়তে Cholan book of world record (UN)ৰ তৰফৰ পৰা বিশ্ব অভিলেখ গঢ়িবলৈ বাচনিত উত্তীৰ্ণ হৈছে। আজি পুৱা ১০ বজাৰ পৰা নগাঁৱৰ শংকৰ মিচনৰ সভাকক্ষত তিনি ঘণ্টা বত্ৰিশ মিনিট যোগাসন কৰি বিশ্ব অভিলেখ গঢ়ি তোলে। পূৰ্বে যোগ গৰ্ভাশন দুই ঘণ্টা সময় লৈকে আছিল যদিও আজি তিতিক্ষাই অনলাইনৰ জৰিয়তে এই অভিলেখ তিনি ঘণ্টা বত্ৰিশ মিনিটলৈকে বৃদ্ধি কৰে। Cholan book of world record (UN)ৰ বিভিন্ন দেশৰ ৰেফাৰী সকলৰ লগত এক অনলাইন প্ৰদর্শনিত তিতিক্ষা মধুকল্যই অংশ গ্ৰহণ কৰে। আজি পলাক্ষী গোস্বামীৰ এটি বৰগীতৰে আৰম্ভ হোৱা অনুষ্ঠানত বন্তি প্ৰজ্বলন কৰে ক্ৰীড়া আৰু যুৱ কল্যান সঞ্চালকালয় অসমৰ কৰ্মকৰ্তা প্ৰীতি ৰেখা বৰুৱাই। অনুষ্ঠানত অসম যোগ স্পৰ্টছ ডেভেলপমেণ্ট এছ’চিয়েছনৰ সভাপতি ডঃ ধৰ্মেশ্বৰ গোস্বামীয়ে। অনুষ্ঠানটোত চিকিৎসক, ডাঃ পংকজ জ্যোতি বৰুৱা, সাংবাদিক কনক হাজৰিকা, Cholan book of world record (UN) অসমৰ সভাপতি হৰেশ্বৰ শইকীয়া, যোগ প্ৰশিক্ষক মৃদুল চেতিয়া, দীপক বৰুৱা, ৰিমা দেৱী, ৰতন কুমাৰ শইকীয়াৰ লগতে যোগ খেলুৱৈ সকলে অংশগ্ৰহণ কৰে। ক্ৰীড়া আৰু যুৱ কল্যান সঞ্চালকালয় অসমৰ যোগ প্ৰশিক্ষক অঞ্জন কৌশিক শৰ্মাৰ প্ৰচেষ্টাত নগাঁৱৰ জ্ঞানম যোগ বিদ্যালয়ৰ প্ৰশিক্ষাৰ্থী তিতিক্ষা মধুকল্য Cholan book of world record (UN)ৰ বাবে মনোনীত হৈছে। উল্লেখ্য যে তিতিক্ষা তেলিয়া পহুকটাৰ প্ৰণৱ কুমাৰ গোস্বামী আৰু ৰিজু গোস্বামীৰ একমাত্ৰ কন্যা। অনলাইনৰ জৰিয়তে Cholan book of world record (UN) তৰফৰ পৰা এই বিশ্ব অভিলেখৰ ফলাফল অহা শনিবাৰে আনুষ্ঠানিকভাৱে ঘোষণা কৰিব ।