নৱবৰ্ষ উদযাপনৰ বাবে পত্নীৰ সৈতে উৰা মাৰিলে আৰবাজ খান! বিমানবন্দৰত মুখ লুকুৱালে ন কইনা শ্বুৰাই…

বিমানবন্দৰত আৰবাজ খান শ্বুৰাঃ শেহতীয়াকৈ বিবাহপাশত আবদ্ধ হৈছে বলীউডৰ অভিনেতা আৰবাজ খান। ২৪ ডিচেম্বৰত দ্বিতীয়বাৰৰ বাবে মেক আপ আৰ্টিষ্ট শ্বুৰা খানৰ সৈতে আৰবাজে বিবাহপাশত আবদ্ধ হয়। আৰবাজৰ ভনীয়েক অৰ্পিতাৰ ঘৰত সংঘটিত হয় বিবাহ। কেৱল পৰিয়াল আৰু কিছুমান বিশেষ বন্ধু-বান্ধৱীয়েহে বিয়াত উপস্থিত আছিল। বিয়াৰ পিছত আৰবাজ আৰু শ্বুৰাক বহুবাৰ বাহিৰত দেখা গৈছে যদিও প্ৰায়ে শ্বুৰাক মুখ লুকুৱাই ৰখা দেখা যায়। কেতিয়াবা চুলিৰে মুখখন ঢাকি ৰাখে আৰু কেতিয়াবা খৰধৰকৈ গৈ গাড়ীত বহি থাকে। আকৌ এবাৰ তেনেকুৱা কিবা এটা ঘটিছে। আনকি বিমানবন্দৰতো শ্বুৰাক মুখ লুকুৱাই ৰখা দেখা গৈছিল। পত্নী শ্বুৰাৰ সৈতে নৱবৰ্ষ উদযাপনৰ বাবে ৰাওনা হৈছে আৰবাজ খান। দম্পতী ক’ত গৈছে সেই সন্দৰ্ভত কোনো তথ্য নাই। কিন্তু দুয়োকে বিমানবন্দৰত দেখা গ’ল। এই সময়ছোৱাত শ্বুৰাই মুখখন টুপীৰে ঢাকি ৰাখিছিল।

আৰবাজ আৰু শ্বুৰাৰ এই ভিডিঅ’টোত ব্যৱহাৰকাৰীসকলে ধেমেলীয়া মন্তব্য কৰিছে। কিছুমানে পিতৃ-কন্যাৰ যুটিৰ বৰ্ণনা কৰিছে। এজনে কমেণ্ট লিখিলে – বাইদেউ, ইমান মুখখন লুকুৱাই কিয় খোজ কাঢ়িছে?

​