Breaking

এছিয়ান গেইমছৰ স্বৰ্ণ পদক বিজেতা বক্সাৰ ডিংকো সিঙৰ দেহাৱসান

0 1,509

এছিয়ান গেইমছৰ স্বৰ্ণ পদক বিজেতা বক্সাৰ ডিংকো সিঙৰ দেহাৱসান১৯৯৮ চনত বেংককত অনুষ্ঠিত সংস্কৰণত এছিয়ান গেইমছৰ স্বৰ্ণ বিজয়ী বেণ্টমৱেট বক্সাৰ নাংগোম ডিংকো সিঙৰ বৃহস্পতিবাৰে মৃত্যু হয়।ডিংকোৱে কেইবা বছৰ ধৰি স্বাস্থ্যজনিত সমস্যাৰ সৈতে যুঁজি আছিল। শেহতীয়াকৈ তেওঁ যকৃতৰ কৰ্কট ৰোগত আক্ৰান্ত হৈ ২০১৭ চনৰ পৰা চিকিৎসাধীন হৈ আছিল।যোৱা বছৰ তেওঁ ক’ভিড-১৯ ত আক্ৰান্ত হোৱাত সন্মুখীন হৈছিল আন এক প্ৰত্যাহ্বানৰ। চিকিৎসকৰ নিৰন্তৰ প্ৰচেষ্টাৰ অন্তত অৱশ্যে ৪১ বছৰীয়া প্ৰাক্তন বক্সাৰজনে ক’ভিডৰ পৰা আৰোগ্য লাভ কৰিছিল।ডিংকোই ইম্ফললৈ উভতি অহাৰ পূৰ্বে ২০২০ চনৰ জানুৱাৰিত দিল্লীৰ ইনষ্টিটিউট অব লিভাৰ এণ্ড বিলিয়াৰী চাইন্সেছত (আইএলবিএছ) ৰেডিয়েশ্যন থেৰাপি কৰাইছিল।কিন্তু এপ্ৰিলত তেওঁৰ অৱস্থা অধিক অৱনতি ঘটাত ডিংকোক পুনৰ একেখন চিকিৎসালয়তে ভৰ্তি কৰোৱা হৈছিল। তেওঁ জণ্ডিচতো আক্ৰান্ত হৈছিল।মণিপুৰত জন্মগ্ৰহণ কৰা ডিংকোক ১৯৯৮ চনত অৰ্জুন বঁটা প্ৰদান কৰা হৈছিল আৰু ২০১৩ চনত তেওঁক দেশৰ চতুৰ্থ সৰ্বোচ্চ অসামৰিক সন্মান পদ্মশ্ৰী প্ৰদান কৰা হৈছিল।উল্লেখ্যে যে ডিংকোৱে ভাৰতীয় নৌসেনাত নিযুক্তি লাভ কৰাৰ লগতে স্বাস্থ্যজনিত সমস্যাৰ বাবে ঘৰত আৱদ্ধ হৈ থকাৰ পূৰ্বে তেওঁ প্ৰশিক্ষক হিচাপেও কাৰ্যনিৰ্বাহ কৰিছিল।