Breaking

ভাৰতীয় দূতাবাসৰ সহযোগত লেবাননৰ বেইৰুটত অনুষ্ঠিত ১৩০গৰাকী শিল্পীৰ চিত্র প্ৰদৰ্শনীত অসমৰ চিত্র শিল্পীৰ শিল্প কৰ্ম

0 534

ভাৰতীয় দূতাবাসৰ সহযোগত লেবাননৰ বেইৰুটত অনুষ্ঠিত ১৩০গৰাকী শিল্পীৰ চিত্র প্ৰদৰ্শনীতঅসমৰ চিত্র শিল্পীৰ শিল্প কৰ্ম। ১৬ ৰ পৰা ১৮ চেপ্তেম্বৰলৈ লেবাননৰ বেইৰুট ইউনেছকো পেলেচত অনুষ্ঠিত হৈ যায় এখন আন্তঃৰাষ্ট্ৰীয় চিত্ৰ প্ৰদৰ্শনী৷ পিচ্‌-৩ ( peace – 3 ) শীৰ্ষক এই প্ৰদৰ্শনীখন ১৬ চেপ্তেম্বৰত যুটীয়াভাৱে উদ্বোধন কৰে লেবাননৰ সাংস্কৃতিক বিভাগৰ মন্ত্ৰী মিঃ মহম্মদ উইছাম মূৰটাদা আৰু ভাৰতৰ ৰাষ্ট্ৰদূত ড° চোহেইল আয়াজ খানে ৷ লেবাননৰ ইউনেছকো পেলেচ আৰু ভাৰতৰ এছ এম ডি(SMD) ফাউণ্ডেচনৰ বেনাৰত অনুষ্ঠিত এই আন্তঃৰাষ্ট্ৰীয় প্ৰদৰ্শনীখনত ভাৰতকে ধৰি জৰ্ডান , আমেৰিকা যুক্তৰাষ্ট্ৰ, আলবেনিয়া, জাৰ্মান , টাইৱান, আৰু ভিয়েটনাম আদি কেইবাখনো দেশৰ চিত্ৰশিল্পী তথা ভাস্কৰে অংশগ্ৰহণ কৰে ৷ উক্ত প্ৰদৰ্শনীখনৰ অন্যতম আকৰ্ষণ আছিল তাত উপস্থিত থকা লেবানন চৰকাৰৰ সাংস্কৃতিক বিভাগৰ মুখ্য প্ৰৱন্ধক তথা কলাসমালোচক গৰাকী ৷ ভাৰতৰ ৰাষ্ট্ৰীয় সংগীতেৰে আৰম্ভ হোৱা উদ্বোধনী সভাত সাংস্কৃতিক মন্ত্ৰী মহম্মদ উইছাম মুৰটাদা , ৰাষ্ট্ৰদূত ড° চাহিল আয়াজ খান আৰু এছ এম ডি (SMD) ফাউণ্ডেচনৰ সভাপতি মিন্টু ডেকাই নিজৰ অনুভৱ ব্যক্ত কৰাৰ লগতে সকলো শিল্পীকে অভিবাদন জনাই তেওঁলোকৰ সৃষ্টিশীল কৰ্মৰ বাবে ভূয়সী প্ৰশংসা কৰে৷

এই আন্তঃৰাষ্ট্ৰীয় প্ৰদৰ্শনীখনত অসমৰ হৈ মিন্টু ডেকা উপস্থিত থকাৰ লগতে , আন এজন শিল্পী জোনমণি বৰায়ো নিজৰ প্ৰিন্ট ছবিৰে অংশগ্ৰহণ কৰে ৷এই চিত্র প্রদর্শনী খনত লেবাননৰ এশ গৰাকী শিল্পীৰ লগতে বিদেশৰ ত্ৰিশ গৰাকী চিত্র শিল্পীৰ মুঠ ১৩০ খন শিল্প কৰ্ম প্ৰদৰ্শিত হয়। জীৱন আৰু জগতৰ বিভিন্ন ভাবানুভুতিক মটিফহিচাপে লৈ অংকণ কৰা ছবিসমূহে দৰ্শক সমালোচকৰ দৃষ্টি আকর্ষণ কৰিবলৈ সক্ষম হোৱা বুলি ইতিমধ্যে জানিব পৰা গৈছে ৷

Leave A Reply