অসমৰ কৰিমগঞ্জ জিলা কাৰাগাৰত চাৰিদিনীয়া অনশনৰ পিছত অসুস্থ হৈ পৰা কমেও ২২ জন কয়দীক চিকিৎসালয়ত ভৰ্তি কৰোৱা হৈছে…
অসমৰ কৰিমগঞ্জ জিলা কাৰাগাৰত চাৰিদিনীয়া অনশনৰ পিছত অসুস্থ হৈ পৰা কমেও ২২ জন কয়দীক চিকিৎসালয়ত ভৰ্তি কৰোৱা হৈছে। কৰিমগঞ্জ অসামৰিক চিকিৎসালয়ত ভৰ্তি কৰোৱা হৈছে কাৰাগাৰখনৰ অসুস্থ কয়দীক।
খবৰ অনুসৰি বৃহস্পতিবাৰে ৯ জন কয়দী সংকটজনকভাৱে অসুস্থ হৈ স্বাস্থ্যজনিত কাৰণত চিকিৎসালয়ত ভৰ্তি কৰোৱা হয়। জিলা স্বাস্থ্য বিভাগৰ বিষয়াসকলে ডিহাইড্ৰেচন আৰু অন্যান্য সমস্যাত ভুগি থকা বুলি জানিবলৈ দিয়ে।
কৰিমগঞ্জত নিচাযুক্ত দ্ৰব্য আৰু মনোৰোগ সৃষ্টিকাৰী দ্ৰব্য আইনৰ অধীনত গ্ৰেপ্তাৰ হোৱা এশজনৰো অধিক ব্যক্তিয়ে মঙলবাৰে পুৱাৰে পৰা জামিনৰ দাবীত অনিৰ্দিষ্টকালীন অনশন কৰি আছে।
ইয়াৰ পূৰ্বে কাৰাবন্দীসকলে দোষী বুলি প্ৰমাণ কৰিবলৈ জামিনৰ বাবে আবেদন জনাইছিল।
কাৰাগাৰ কৰ্তৃপক্ষই তেওঁলোকৰ লগত অমানৱীয় ব্যৱহাৰ কৰাৰ লগতে ৫০০ৰো অধিক কয়দীক ১৭০ জন লোকৰ বাবে নিৰ্মিত কোঠাত ৰখাৰ অভিযোগ উত্থাপন কৰে কয়দীসকলে।