মৰিয়নি পৌৰসভাৰ শপত গ্ৰহন অনুষ্ঠানত পৌৰপতি আৰু উপ পৌৰপতি নিৰ্বাচনক লৈ এক উত্তপ্ত পৰিস্থিতিৰ সৃষ্টি হয়।তিতাবৰ মহকুমাৰ মহকুমাধিপতি গায়ত্ৰী হাৰ্লিঙ্গ, কাৰ্য্যবাহি দণ্ডাধীশ ৰাজা বৈশ্য, মৰিয়নি পৌৰসভাৰ কাৰ্য্যবাহী বিষয়া বিশ্বজিৎ বৰাৰ উপস্থিতিত পৌৰপতি নিৰ্বাচনৰ বাবে মৌখিক ভোটৰ প্ৰক্ৰিয়া আৰম্ভ কৰে।বিজেপিৰ পৌৰপতি পদৰ দাবীদাৰ কস্তুৰি আগৰৱালা গগৈয়ে ৩ টা মৌখিক ভোট লাভ কৰাৰ পিছতে প্ৰশাসনে নিৰ্বাচনী প্ৰক্ৰিয়া স্থগিত ৰাখে।
মহকুমাধিপতি গায়ত্ৰী হাৰ্লিঙ্গাই পুনৰ গোপন ভোট গ্ৰহন কৰাত বিজেপিৰ পৌৰপতিৰ প্ৰাৰ্থী কস্তুৰি আগৰৱালা গগৈয়ে তিনিতা আৰু উপ পৌৰপতিৰ প্ৰাৰ্থী গায়ত্ৰী চক্ৰৱৰ্তীয়ে তিনিতা ভোট পোৱাৰ বিপৰিতে নিৰ্দলীয় পৌৰপতিৰ প্ৰাৰ্থী বিশ্বপ্ৰভা শইকিয়াই ৭টা আৰু উপ পৌৰপতিৰ প্ৰাৰ্থী প্ৰদীপ দাসে ৭টা ভোট লাভ কৰি মৰিয়নি পৌৰসভা গঠন কৰে।