মৰিগাঁও জিলাৰ গীতা নগৰত কালি সাহিত্য সমাজ সংস্কৃতিক সেৱামঞ্চ অসমৰ উদ্যোগত জিলা খনৰ লগতে অসমৰ বিভিন্ন অঞ্চলৰ সমাজ জীৱনলৈ অবদান থকা একাংশ বিশিষ্ট ব্যক্তিক বঁটাপ্ৰদান কৰা হয়। এই অনুষ্ঠানতে বিশিষ্ট কবি সাহিত্যিক আবুল হাছেম আল আমান, বিশিষ্ট সমাজ কৰ্মী জোনাৰাণী ভাগৱতী, সাহিত্যিক, গ্ৰন্থকাৰ হৰমোহন কলিতা, গ্ৰন্থকাৰ কবিন কুমাৰ মেধি, শিল্পী দূৰ্গা প্ৰসাদ নাথ, প্ৰতিষ্ঠিত ব্যৱসায়ী নাৰায়ণ দাস, বিশিষ্ট ৰূপ সজ্জা শিল্পী পূৰৱী ডেকা কলিতা, লতাশিল বিহুৰ প্ৰথম কুৱঁৰী তথা অভিনেত্ৰী ৰূপৰেখা বৰা শইকীয়া আৰু কবি, সাংবাদিক মিন্টু কুমাৰ মেধিক অসম গৌৰৱ সন্মান বঁটা প্ৰদান কৰা হয়। লগতে কবি গ্ৰন্থকাৰ দেৱেন দাসক দলিত সাহিত্য অকাডেমিৰ আমেদকাৰ বঁটা আৰু লেখিকা চুমি কপাহেৰাক শংকৰ আজান সমন্বয় বঁটা প্ৰদান কৰা হয়।
এই অনুষ্ঠানটি সঞ্চালনা কৰে লেখক সাহিত্যিক হৰমোহন কলিতাই। বিশিষ্ট অতিথি ৰূপে উপস্থিত থাকে অসমৰ চলচ্চিত্ৰ জগতৰ অভিনেতা অৰুণ হাজৰিকা আৰুলিখক অভিনেতা বিমল জ্যোতি বৰদলৈ। অনুষ্ঠানটিৰ আঁত ধৰে সাংস্কৃতিক সেৱামঞ্চৰ সম্পাদক জয়ন্ত শইকীয়াই।এই অনুষ্ঠানতে নগাঁও, হোজাই, যোৰহাট, গুৱাহাটীৰ ডিব্ৰুগড়ৰৰ বহুকেইগৰাকী বিশিষ্ট ব্যক্তিক সম্বৰ্ধনা জনোৱা হয়।
