ড’প টেষ্টত ব্যৰ্থ বাহৰেইনৰ এথলেট : এছিয়ান গেমছত সোণৰ পদক লাভ হীমা দাসৰ

দৈনন্দিন বাৰ্তা ডেস্ক :

এছিয়ান গেমছৰ ট্ৰেকত হিমা দাসে লাভ কৰিলে আন এটা সোণৰ পদৰ ৷ স্মতৰ্ৱ্য যে ২০১৮ চনৰ এছিয়ান গেমছত ভাৰতৰ ৪× ৪০০ মিটাৰ মিক্স দলটোৱে লাভ কৰিছিল ৰূপৰ পদক ৷ ভাৰতৰ এইটো দলত আছিল মহম্মদ আনাছ, হীমা দাস, পোভাম্মা আৰু আৰোকিয়া ৷ এছিয়ান গেমছৰ এই ৰূপৰ পদক স্বৰ্ণ পদকলৈ উন্নীত হয়৷ ফলত ২০১৮ চনৰ এছিয়ান গেমছৰ পৰা আন এটা স্বৰ্ণ পদক আহিল হিমা দাসলৈ ৷ উল্লেখ যে সেই ৰীলেত স্বৰ্ণপদক পোৱা বাহৰেইন দলৰ এগৰাকী সদস্য ড’প টেষ্টত ব্যৰ্থ হয় ৷ ফলত ভাৰতৰ ৰীলে দলটোৱে সোণৰ পদক লাভ কৰে৷ উল্লেখ্য যে জাকাৰ্টাত হোৱা ২০১৮ চনৰ এছিয়ান গেমছত ৩:১৫:৭১ ছেকেণ্ডত বাহৰেইন দলে সোণৰ পদক লাভ কৰিছিল৷ তাৰ পাছত দলটোৰ সদস্য ড’প টেষ্টত ব্যৰ্থ হয়৷ বাহৰেইন দলত আছিল আলি খামিছ, কেমি আদীকোয়া, ছালৱি ইদ নাছেৰ আৰু আব্বাছ আবুবাকৰ আব্বাছ৷ আনহাতে কাজাখাস্থানে ৰূপ আৰু চীনক ব্ৰঞ্জ পদকলৈ উন্নীত কৰে৷ ইপিনে এথলেটিকছ ইনট্ৰিগ্ৰেটি ইউনিটে (এআইই) জনোৱা মতে কেমি আদীকোয়া ড’প টেষ্টত ব্যৰ্থ হয় ৷ এইগৰাকী মহিলা এথলেটক চাৰি বছৰৰ বাবে নিষিদ্ধ কৰা হৈছে ৷