ৰাজ্যিক কৃতি শিক্ষয়িত্ৰীৰ বঁটা লাভ কৰা বিমলা দেৱীৰ স্মৃতিচাৰণ সভা
নলবাৰী জিলাৰ বৰক্ষেত্ৰী সমষ্টিৰ বি বি ন্যাস, আদাট্ৰাৰীৰ উদ্যোগত চণ্ডী মেধি বালিকা বিদ্যালয়ৰ অৱসৰপ্ৰাপ্ত প্ৰধান শিক্ষয়িত্ৰী, ৰাজ্যিক কৃতি শিক্ষয়িত্ৰী তথা সু-লেখিকা,সমাজসেৱী, ধৰ্মপ্ৰাণা সদ্যপ্ৰয়াত মহিলা বিমলা দেৱীৰ আদ্যশ্ৰাদ্ধৰ লগত সংগতি ৰাখি আজি এখন স্মৃতিগ্ৰন্থ উন্মোচন কৰা হয়।
বৰক্ষেত্ৰী অঞ্চলৰ বিশিষ্ট লোকসকলৰ উপস্থিতত নলবাৰী জিলাৰ প্ৰাথমিক শিক্ষা বিষয়া সীমান্ত ডেকাই উন্মোচন কৰা গ্ৰন্থ উন্মোচনী সভাত উপস্থিত আছিল ক্ষুদ্ৰ কুলহাটীৰ আইতৰু হাইস্কুলৰ অৱসৰী কৃতি প্ৰধান শিক্ষক জ্যোতিষ চন্দ্ৰ ভূঞা, ৰঘুনাথ চৌধাৰী উচ্চতৰ মাধ্যমিক বিদ্যালয়ৰ অৱসৰপ্ৰাপ্ত বিষয় শিক্ষক দীনেশ চন্দ্ৰ কলিতা, নলবাৰী জিলা অধিবিদ্যা পৰিষদৰ সম্পাদক তথা জয়সাগৰস্থিত শংকৰ মাধৱ হাইস্কুলৰ প্ৰধান শিক্ষক কৃষ্ণকান্ত মহন্ত প্ৰমুখ্যে বৰক্ষেত্ৰী অঞ্চলৰ বিশিষ্ট লোকসকল।