দিল্লীৰ মেয়ৰ নিৰ্বাচনত বিজেপিয়ে প্ৰাৰ্থী নিদিলে! পুনৰ নিৰ্বাচিত হ’ল আপৰ নেত্ৰী শ্বেলী ওবেৰয়
বিগত বৰ্ষৰ ডিচেম্বৰ মাহত দিল্লীত অনুষ্ঠিত হৈছিল উপ-নিৰ্বাচন। ইয়াৰ পিছত তিনিবাৰকৈ মেয়ৰ নিৰ্বাচনৰ তাৰিখ ঘোষণা কৰা হৈছিল যদিও আপ-বিজেপিৰ বিবাদৰ বাবেই সেয়া হোৱা নাছিল।
অৱশেষত ফেব্ৰুৱাৰী মাহত আম আদমি পাৰ্টিৰ নেত্ৰী শ্বেলী ওবেৰয়ক চতুৰ্থ প্ৰয়াসত দিল্লীৰ নতুন মেয়ৰ হিচাপে নিৰ্বাচিত হয়। কিন্তু পৌৰ নিগমৰ স্থায়ী সমিতি গঠন নোহোৱাত পৌৰ আইন অনুসৰি বুধবাৰে দিল্লীত নতুন মেয়ৰ আৰু ডেপুটি মেয়ৰৰ নিৰ্বাচন অনুষ্ঠিত হয়।
বিজেপিয়ে কোনো প্ৰাৰ্থী প্ৰক্ষেপ নকৰাত শ্বেলীক বিনা প্ৰতিদ্বন্দ্বিতাত পুনৰ মেয়ৰ নিৰ্বাচিত কৰা হয়। দিল্লীৰ মুখ্যমন্ত্ৰী অৰবিন্দ কেজৰিৱালৰ দলীয় কাউন্সিলাৰ আলে মহম্মদ ইকবালেও বিনা প্ৰতিদ্বন্দ্বিতাত উপ-মেয়ৰৰ পদত জয়লাভ কৰে।
তেওঁলোকক অভিনন্দন জনাই কেজৰিৱালে টুইটাৰত লিখিছে, এইবাৰ বিনা প্ৰতিদ্বন্দ্বিতাত মেয়ৰ আৰু ডেপুটি মেয়ৰ হোৱাৰ বাবে শ্বেলী আৰু আলেক অভিনন্দন। আপোনালোক দুয়োলৈ শুভেচ্ছা জ্ঞাপন কৰিলোঁ। মানুহে আমাৰ পৰা বহুত আশা কৰে। সেই আশা পূৰণ কৰিবলৈ কঠোৰ পৰিশ্ৰম কৰক।”
ডিচেম্বৰৰ আৰম্ভণিতে ২৫০ আসনৰ দিল্লী বিধানসভা নিৰ্বাচনত কেজৰিৱালৰ আম আদমি পাৰ্টীয়ে ১৩৪টা ৱাৰ্ডত জয়লাভ কৰে। শাসকীয় বিজেপি ১০৪ লৈ নামি আহিল।
৯টা ৱাৰ্ডত কংগ্ৰেছৰ প্ৰাৰ্থী জয়ী হয়। অৱশ্যে দিল্লীৰ মেয়ৰ নিৰ্বাচনত ৰাজ্যসভাৰ ৩জন সদস্য আৰু লোকসভাৰ ৭জন সদস্য আৰু ১৪জন বিধায়কৰ ভোটাধিকাৰো আছে। অৰ্থাৎ, মুঠ ২৭৪টা ভোটৰ ভিতৰত ১৩৮টা ভোট লাভ কৰা দলটোৰ প্ৰাৰ্থীয়ে মেয়ৰৰ পদত জয়ী হয়।