“বিটিচিত পুনৰ হ’ব বিপিএফৰ চৰকাৰ” : হাগ্ৰামা,হৰ্ছ ট্ৰেডিঙৰ আশংকাত BJP-UPPL
হাগ্ৰামা মহিলাৰীয়ে সাংবাদিকৰ সন্মুখত কৰা এটা বক্তব্যই কঁপনি তুলিছে BJP-UPPLৰ ভিতৰচঁৰাত । হাগ্ৰামা মহিলাৰীয়ে সাংবাদিকক কৈছিল যে, “বিটিচিত পুনৰ হ’ব বিপিএফৰ চৰকাৰ। ২২জন বিজয়ী প্ৰাৰ্থীৰ সমৰ্থনৰ তালিকা লৈ চৰকাৰ গঠন কৰিম” ।
হাগ্ৰামাৰ এই মন্তব্যৰ পিছতেই এতিয়া হৰ্ছ ট্ৰেডিঙৰ আশংকাত ভুগিছে বিজেপি-UPPL ! হৰ্ছ ট্ৰেডিঙৰ আশংকাত ইতিমধ্যে বিজেপি আৰু UPPLৰ জয়ী প্ৰাৰ্থীসকলক গুৱাহাটীৰ লিলি হোটেলত ৩৬টাকৈ কোঠা বুক কৰি হৈছে নজৰবন্দী কৰা হৈছে । হোটেলত সকলো তত্বাৱধানৰ দায়িত্ব দিয়া হৈছে মন্ত্ৰী ড. হিমন্ত বিশ্ব শৰ্মাৰ ঘনিষ্ঠ মন্ত্ৰী পিয়ুষ হাজৰিকা আৰু পল্লৱ লোচন দাসক । প্ৰমোদ বড়োৱে অনুমতি দিয়া লোককহে হোটেলত প্ৰৱেশৰ অনুমতি দিয়া হৈছে । মূল প্ৰৱেশ দ্বাৰত ৰখা হৈছে প্ৰমোদ বড়োৰ ঘনিষ্ঠ লোকক ।