বিলাসীপাৰাত বিজেপিৰ মহা জনসম্পৰ্ক অভিযান। মহা জনসম্পৰ্ক অভিযানৰ কাৰ্যসূচীত মুখ্য অতিথি হিচাপে উপস্থিত থাকে মুখ্যমন্ত্ৰী ডঃ হিমন্ত বিশ্ব শৰ্মা। বিলাসীপাৰা জিলা বিজেপিৰ উদ্যোগত আয়োজিত সভাত মুখ্য অতিথি ডঃ হিমন্ত বিশ্ব শৰ্মাৰ এটাৰ পিছত আন এটা কৈ প্ৰতিশ্ৰুতিৰ বৰ্ণা। ধুবুৰীত নিৰ্মাণ কৰি উলিওৱা চিকিৎসা মহাবিদ্যালয়ৰ পিছতে এইবাৰ বিশ্ববিদ্যালয় নিৰ্মাণৰ প্ৰতিশ্ৰুতি। মহিলা সকলক নতুনকৈ চাৰি লাখ অৰুনোদয় আঁচনি দিয়াৰ প্ৰতিশ্ৰুতি।
এক লাখ নিবনুৱাৰ একাউন্টত দুই লাখ কৈ টকা আৰু আত্ম সহায়ক গোটৰ সদস্য সকলৰ ব্যক্তিগত একাউন্টত দহ হাজাৰ কৈ টকা দিয়া হ’ব বুলি ঘোষণা কৰে মুখ্যমন্ত্ৰী গৰাকীয়ে। প্ৰায় দহ সহস্ৰাধিক বিজেপি নেতা কৰ্মী উপস্থিত থকা সভাত মূলত আগন্তুক লোকসভা নিৰ্বাচনত ৪ নং ধুবুৰী লোকসভা সমষ্টিত বিজেপি প্ৰাৰ্থীক জয়ী কৰোৱাৰ উদ্দেশ্য মহা জনসম্পৰ্কত উপস্থিত হোৱা মুখ্যমন্ত্ৰী গৰাকীয়ে এ আই ইউ ডি এফ দলৰ মুৰব্বী তথা ধুবুৰীৰ সাংসদ বদৰুদ্দিন আজমলক তীব্ৰ সমালোচনা কৰে | কেন্দ্ৰত আগন্তুক লোকসভা নিৰ্বাচনত নৰেন্দ্ৰ মোডী প্ৰধান মন্ত্ৰী হোৱাটো নিশ্চিত বুলি কয় মুখ্যমন্ত্ৰী গৰাকীয়ে । সেয়ে কেন্দ্ৰত বিজেপি চৰকাৰ হব আৰু ধুবুৰীত বদৰুদ্দিন আজমল সাংসদ হলে কোনো উন্নয়ন নহয় ।
সভাত গৰিয়া মৰিয়া দেশী সকলক অসমীয়া জাতিৰ অংগ বুলি দোহাৰি কয় যে গৰিয়া মৰিয়া দেশী সকলে এতিয়া সকলো বুজি উঠিছে যে বিজেপিয়ে তেওঁ লোকৰ হৈ কাম কৰি আহিছে। সভাত পুনৰ বাল্য বিবাহ সন্দৰ্ভত বিস্ফোৰক মন্তব্য কৰে। বাল্য বিবাহ কৰোৱা সকলক পুনৰ থানা লৈ যাব লাগিব। মুখ্যমন্ত্ৰী গৰাকীক সংগ দিয়ে ৰাজ্য সভাৰ সাংসদ পবিত্ৰ মাৰ্ঘেৰিটা, ধুবুৰীৰ অভিভাৱক মন্ত্ৰী জয়ন্ত মল্ল বৰুৱা, বিজেপিৰ ৰাজ্যিক সভাপতি ভৱেশ কলিতা।
বিলাসীপাৰাৰ পৰা জিয়াৰুল আলমৰ প্ৰতিবেদন
