বঙাইগাঁৱৰ গোলাপাৰাত ডিঙি কটা মহিলাৰ মৃতদেহ উদ্ধাৰ। অঞ্চলব্যাপী তীব্ৰ চাঞ্চল্য……
বঙাইগাঁও জিলাৰ কোকিলা আৰক্ষী নিৰীক্ষণ চকীৰ অন্তৰ্গত গোলাপাৰা চতুৰ্থ খণ্ডত এগৰাকী আদহীয়া মহিলাৰ ডিঙি কটা মৃতদেহ উদ্ধাৰ হোৱাত তীব্ৰ চাঞ্চল্যৰ সৃষ্টি হৈছে। নসেৰ আলীৰ ঘৈণীয়েক ৰেজিয়া খাতুন (৪২)ৰ নিজ গৃহৰ গোহালীত তেজেৰে লুতুৰি পুতুৰি থকা অৱস্থাত কটাৰীসহ মৃতদেহ উদ্ধাৰ হয়।
মহিলাগৰাকীক দীৰ্ঘদিন ধৰি শাৰিৰীক আৰু মানসিক ভাৱে অত্যাচাৰ কৰাৰ অভিযোগ স্বামীৰ বিৰুদ্ধে ।আজি ৰাতিপুৱা মহিলাগৰাকীক অত্যাচাৰ কৰা বুলি উল্লেখ কৰে মহিলাগৰাকীৰ ককায়েকে।
ইফালে মহিলাগৰাকী মানসিক ভাৱে বিকাৰগ্ৰস্ত হোৱা বাবে নিজেই আত্মহত্যা কৰা বুলি উল্লেখ কৰিছে স্বামীয়ে । ঘটনাস্হলীত কোকিলা আৰক্ষী নিৰীক্ষণ চকীৰ আৰক্ষী উপস্থিত হৈছে ।হত্যা নে আত্মহত্যা সেয়া আৰক্ষীৰ তদন্ত পোহৰলৈ আহিব।