চচল শতদল শাখা সাহিত্য সভাৰ চলিত আগষ্ট মাহৰ ২৭-০৮-২০২২ তাৰিখে অনুষ্ঠিত সাহিত্য বৈঠকখনত সভাপতিত্ব কৰে বিশিষ্ট কথা সহিত্যিক থানেশ্বৰ মালাকাৰে। সভাৰ উদ্দেশ্য ব্যাখ্যা কৰে সম্পাদক ড°কমল চৌধুৰীয়ে । বৈঠকত অসমৰ বিশিষ্ট শিশু-সাহিত্যিক প্ৰয়াত শশীন্দ্ৰ কুমাৰ অধিকাৰীৰ ৰচিত দুখন শিশু সাহিত্য গ্ৰন্থ “জোনবাই এ বেজি এটি দিয়া” আৰু “স্বৰবৰ্ণ-ব্যঞ্জনবৰ্ণৰ কথা” উন্মোচন কৰে যথাক্ৰমে গুৱাহাটী মহাবিদ্যালয়ৰ সহযোগী অধ্যাপক বিশিষ্ট গদ্যকাৰ ড°ধৰণী লাহন তথা শাখাৰ সভাপতি বিশিষ্ট সাহিত্যিক থানেশ্বৰ মালাকাৰে। অনুষ্ঠানৰ আৰম্ভণিতে প্ৰয়াত সাহিত্যিকগৰাকীৰ প্ৰতিচ্ছবিত মাল্যাৰ্পণ তথা বন্তি প্ৰজ্জ্বলন কৰে সভাৰ প্ৰাক্তন সভাপতি ভূপেন্দ্ৰনাথ দাসে। গ্ৰন্থ উন্মোচনৰ লগতে প্ৰয়াত সাহিত্যিক গৰাকীৰ স্মৃতিচাৰণ কৰে যথাক্ৰমে অন্নপ্ৰভা কাকতি, মঞ্জু দত্ত, হৰেশ্বৰ ডেকা, ড° মিনেশ্বৰ হাজৰিকা, ফণিধৰ ডেকা, স্মৃতিৰেখা ভূঞা আৰু তেখেতৰ পৰিয়াল তথা আত্মীয়সকলে।
সাহিত্যিকগৰাকীৰ ৰচিত কবিতা আবৃত্তি কৰে নৱপ্ৰজন্মৰ সাহিত্যপ্ৰেমী জুমন বৰ্মন আৰু বেদাৰ্থ দত্তই। অনুষ্ঠানত গীত পৰিৱেশন কৰে যথাক্ৰমে গিৰীশ শৰ্মা, বনানী অধিকাৰী, সদানন্দ বৰ্মন তথা অনাতাঁৰ শিল্পী দীপশিখা দত্ত শৰ্মাই। আধ্যাত্মিক প্ৰৱন্ধ পাঠ কৰে পৰেশ শৰ্মাই । শলাগৰ শৰাই আগবঢ়ায় হৰিনাৰায়ণ বৰ্মনে । অসম সংগীতেৰে অনুষ্ঠানৰ সামৰণি পৰে।