অনুষ্ঠুপীয়াকৈ গুৱাহাটীত ৩৭ তম অভিৰুচি ক্ৰীড়া দিৱস উদযাপন

0 1,257

গুৱাহাটী : অসমৰ ক্ৰীড়া ইতিহাসৰ নমস্য ক্ৰীড়াবিদ প্ৰথম গৰাকী অৰ্জুন ভোগেশ্বৰ বৰুৱাৰ জন্ম দিন ৩ ছেপ্টেম্বৰত আয়োজিত অভিৰুচি ক্ৰীড়া দিৱসৰ ৩৭ তম বাৰ্ষিকী গুৱাহাটীত অনুষ্ঠুপীয়াকৈ উদযাপন কৰা হয় ৷ সম্প্ৰতি মহামাৰী কৰোনা সংক্ৰমণৰ বাবে আজি গুৱাহাটী প্ৰেছ ক্লাবত এক গাম্ভীৰ্যপুৰ্ন পৰিবেশত অভিৰুচি ক্ৰীড়া পালন কৰা হৈছে ৷ প্ৰতিষ্ঠাপক সভাপতি বলেন্দ্ৰ মোহন চক্ৰৱৰ্তীৰ পৌৰহিত্যত অনুষ্ঠিত হোৱা সভাত বৰুৱা দেৱলৈ জন্মদিনৰ শুভেচ্ছা’ শীৰ্ষক কাৰ্য্যসূচী ‘কেক্’ কাটি শুভাৰম্ভ কৰে বিশিষ্ট এথলেট তৈবুননিছাই ৷ সভাত অভিৰুচি ক্ৰীড়া দিৱসৰ প্ৰতিষ্ঠা কালৰ অন্যতম সদস্য বিশিষ্ট ফটো সাংবাদিক প্ৰয়াত তৰনী বৰ্মনলৈ শ্ৰদ্ধা জনাই এক মিনিট মৌন প্ৰাৰ্থনা জনায় ৷ বিশিষ্ট অতিথি হিচাপে অসম চৰকাৰৰ অবসৰপ্ৰাপ্ত এ,চি,এচ বিষয়া ৰাজীৱ প্ৰকাশ বৰুৱাই ভোগেশ্বৰ বৰুৱাৰ সুস্বাস্থ্যৰ আৰু দীৰ্ঘায়ু কামনা কৰে ৷ উল্লেখ্য যে অভিৰুচি দিৱস অনুষ্ঠানত জেষ্ঠ্ সাংবাদিক পবিত্ৰ গগৈ, সৰ্বভাৰতীয় ক্ৰীড়া সাংবাদিক সন্হাৰ সভাপতি সুবোধ মল্ল বৰুৱা উপস্থিত থাকি ভোগেশ্বৰ বৰুৱালৈ শুভেচ্ছা জ্ঞাপন কৰে ৷ আনহাতে শলাগৰ শৰাই আগবঢ়াই ক্ৰীড়া দিৱসৰ সম্পাদক প্ৰধান সুকুমৰ মেধিয়ে ৷