Breaking

মটক ৰজা স্বৰ্গদেউ সৰ্বানন্দ সিংহ দিবস পালন

0 14

 তিনিচুকীয়া

২১৮ সংখ্যক স্বৰ্গদেউ সৰ্বানন্দ সিংহ দিৱস আজি কেন্দ্ৰীয়ভাৱে তিনিচুকীয়াৰ তিনিকোণীয়াত পালন কৰা হয়৷ মটক সন্মিলন, ৰাজবংশকে ধৰি জনগোষ্ঠীটোৰ কেউটা সংগঠনে অনুষ্ঠিত কৰা দিবসত নামঘৰত ভকত সেৱা প্ৰতিমূৰ্তীত মাল্যাৰ্পণ কৰা হয়। ৰাজ্য চৰকাৰৰ শ্ৰমমন্ত্ৰী সঞ্জয় কিষানে মাল্যৰ্পণ কৰাৰ পিছতে সামাজিক দুৰত্ব বজাই ৰাখি এক সভা অনুষ্ঠিত হয়। হেমন্ত গোহাঁইৰ সভাপতিত্বত অনুষ্ঠিত হোৱা সভাত মৰান সভাৰ ধৰ্মেন্দ্ৰ মৰান, মৰান ছাত্ৰৰ অৰুনজ্যোতি মৰান, প্ৰনব বৰুৱা আদিকে ধৰি ভালে কেইজন বিশিষ্ট ব্যক্তি উপস্থিত থাকে। সন্ধিয়া প্ৰতিমূৰ্তিৰ চাৰিওকাষে ২১৮ বন্তি প্ৰজ্জ্বলন কৰা হয়। ইয়াৰ উপৰি মটক সন্মিলনৰ মুখ্য কাৰ্যালয় আৰু জিলাখনৰ বিভিন্ন অঞ্চলত দিবস পালনৰ লগতে সন্ধিয়া ঘৰে ঘৰে বন্তি প্ৰজ্জ্বলন কৰা হয়৷