নীতিৰ ভিতৰত আটাইতকৈ জনপ্ৰিয় চাণক্য নীতি। আচাৰ্য চাণক্যই মানৱ জীৱনৰ প্ৰতিটো দিশৰ ওপৰত নিজৰ মতামত প্ৰকাশ কৰিছিল। শিক্ষা, ধন-সম্পত্তি, সন্মান, সামাজিক মৰ্যাদা, আচৰণৰ লগত জড়িত অসংখ্য নীতিৰ কথা উল্লেখ কৰিছিল চানক্যয়ে। এজন ব্যক্তিয়ে বাৰে বাৰে কৰা ভুল, নিজৰ জীৱন ধ্বংস কৰা কিছুমান ভুলৰ কথাও আচাৰ্য চাণক্যই কৈছিল। যদি কোনো ব্যক্তিয়ে এই ভুলবোৰ সময়ত চিনি পায় আৰু পুনৰাবৃত্তি নকৰাৰ সংকল্প লয় তেন্তে তেওঁৰ জীৱন উচ্চ আৰু আদৰ্শগত হৈ পৰে। চাণক্য নীতিৰ পৰা জানো আহক কি কি ভুল এজন ব্যক্তিয়ে পৰিহাৰ কৰিব লাগে।
কোৱা হয় যে এলেহুৱা সকলে জীৱনত উন্নতি নকৰে। এলাহ এজন ব্যক্তিৰ আটাইতকৈ ডাঙৰ শত্ৰু বুলি গণ্য কৰা হয়, কাৰণ ইয়াৰ দ্বাৰা চলি থকা কামও নোহোৱা হ’ব পাৰে। চাণক্যই কৈছে যে যদি কোনোবাই জীৱনত সফল হ’ব বিচাৰে আৰু আনতকৈ আগুৱাই যাব বিচাৰে তেন্তে এলাহৰ পৰা আঁতৰি থাকিব লাগিব, তেতিয়াহে জীৱনৰ উদ্দেশ্য পূৰণ কৰিব পাৰিব।
চাণক্যই কৈছে যে মানুহে চিন্তা নকৰাকৈ একো কৰিব নালাগে। কোনো ব্যক্তিয়ে যদি চিন্তা নকৰাকৈ কিবা এটা কৰে তেন্তে তাৰ ফল শুদ্ধ হ’ব নোৱাৰে। আচাৰ্য চাণক্যৰ মতে জীৱনৰ যিকোনো কাম আৰম্ভ কৰাৰ আগতে ইয়াৰ পৰিণতিৰ বিভিন্ন দিশ বিবেচনা কৰা উচিত।
চাণক্যই কৈছে যে বেয়া মানুহৰ সংগৰ পৰা আঁতৰি থাকিব লাগে। কাৰণ এজন ব্যক্তিয়ে লগ পোৱা মানুহৰ গুণ বা দোষ উত্তৰাধিকাৰী সূত্ৰে লাভ কৰাৰ প্ৰৱণতা থাকে। গতিকে কোনো ব্যক্তিয়ে যদি ভাল মানুহৰ লগত সংগ কৰে তেন্তে তেওঁৰ জীৱন ভাল হৈয়ে থাকে। কিন্তু বেয়া মানুহৰ লগত সংগ কৰিলে তেওঁৰ জীৱন ধ্বংসৰ দিশে আগবাঢ়িবলৈ আৰম্ভ কৰে আৰু শেষত সকলো ধ্বংস হৈ যায়।
আচাৰ্য চাণক্যই সময় নষ্ট নকৰিবলৈ পৰামৰ্শ দিছে। তেওঁ কয় যে হেৰুৱা ধন কঠোৰ পৰিশ্ৰমৰ জৰিয়তে পুনৰ পাব পাৰি, কিন্তু এবাৰ সময় হেৰাই গ’লে কেতিয়াও পুনৰ লাভ কৰিব নোৱাৰি। এই কাৰণেই চাণক্যই সময় নষ্ট নকৰিবলৈ পৰামৰ্শ দিয়ে।
