গুৱাহাটী
দাম বাঢ়িৰ অসমত বিলাতী সুৰাৰ। ৰাজ্য চৰকাৰে ক’ৰ’ণাৰ নামত মাহে অতিৰিক্ত এহেজাৰ কোটি টকা আহৰণৰ লক্ষৰে ২৫ শতাংশ কৰ আৰোপ কৰিছে এমআৰপিৰ ওপৰত। কিন্তু পুৰণি বটলবোৰ কি দামত বিক্ৰী হ’ব? এইকথা থিৰাং কৰিবলৈ এদিনৰ বাবে বন্ধ কৰি দিয়া হ’ল বিলাতীৰ বিপনীবোৰ।এই ক্ষেত্ৰত আবকাৰী মন্ত্ৰীয়ে সংবাদ মাধ্যমৰ আগত কয় যে নতুন দামৰ লেবেলসমূহ বটলৰ ওপৰত পেস্তিং কৰিবলৈ আৰু পুৰণি বটল কিমান মজুত আছে তাৰ হিচাপ উলিয়াবলৈ এদিনৰ কাৰণে দোকানবোৰ বন্ধ কৰা হৈছে। জিলা বিষয়াই এই সিদ্ধান্ত লৈছে। এই হিচাব সম্পূৰ্ণ হ’লেই দোকানবোৰ খুলিব পাৰিব।ভবিষ্যতে ক’ৰ’ণা ভাইৰাছ নোহোৱা হ’লে সুৰাৰ দাম হ্ৰাস পোৱাৰ সম্ভাবনা আছে বুলিও তেওঁ ব্যক্ত কৰে।