শংকৰদেৱ শিশু নিকেতন ফিল’বাৰীত শিশু বাটিকা কৰ্মশালা সমাপন

 ডিৰাক সীমান্ত, ২২ নৱেম্বৰঃ শিশু শিক্ষা সমিতিৰ দ্বাৰা পৰিচালিত শংকৰদেৱ শিশু নিকেতন, ফিল’বাৰীত আজি  অংকুৰ আৰু মুকুল শ্ৰেণীৰ ছাত্ৰ ছাত্ৰী সকলৰ মাতৃ সকলক লৈ  শিশু বাটিকা কৰ্মশালা অনুষ্ঠিত হয়। নিকেতনৰ পৰিচালনা সমিতিৰ সভাপতি সোমেশ্বৰ কলিতাই বন্তি প্ৰজ্বলন কৰি উদ্বোধন কৰে শিশু বাটিকা কৰ্মশালা। শংকৰদেৱ শিশু নিকেতন ফিল’বাৰীত অনুষ্ঠিত হোৱা শিশু বাটিকা কৰ্মশালাৰ প্ৰশিক্ষক হিচাপে উপস্থিত থাকে তিনিচুকীয়া সংকুলৰ শিশু বাটিকা প্ৰমুখ বন্তি বৰা, নিকেতনৰ আচাৰ্য্যা ৰাণু শইকীয়া আৰু পূৰ্ণিমা খনিকৰ। আজিৰ শিশু বাটিকা কৰ্মশালাত প্ৰশিক্ষক সকলে মাতৃ সকলক শিশুৰ সৰ্বাঙ্গীণ বিকাশৰ বাবে পেলনীয়া সামগ্ৰীৰ পৰা বিভিন্ন সামগ্ৰী নিৰ্মাণ, ছাত্ৰ-ছাত্ৰী সকলৰ বিকাশৰ বাবে নৃত্য, গীতৰ প্ৰশিক্ষণ প্ৰদান কৰে। আজিৰ কৰ্মশালাত নিদিষ্ট বক্তা হিচাপে উপস্থিত থাকে তিনিচুকীয়া সংকুলৰ সংকুল প্ৰমুখ মোহন ছেত্ৰীৰ লগতে নিকেতনৰ আচাৰ্য্য- আচাৰ্য্যা উপস্থিত । আজি শিশু বাটিকা কৰ্মশালাত প্ৰায় অৰ্ধ শতাধিক অভিভাৱিকা উপস্থিত থাকে ।